Эканоміка3939

Мігранты з Узбекістана, якія толькі прыехалі, папрасілі вярнуць іх з Беларусі: абяцаных заробкаў няма

«За 500 даляраў працаваць не будзем. Чым так, лепш бы вы нас назад ва Узбекістан адправілі».

Скрын відэазврота. Крыніца: t.me/davletovuztw

9 ліпеня падчас візіту ў Беларусь прэзідэнта Узбекістана Шаўката Мірзіёева Мінск і Ташкент падпісалі міжурадавае пагадненне аб арганізаваным наборы і працаўладкаванні грамадзян Узбекістана для часовай працы ў Беларусі.

Ужо на гэтым тыдні ў Беларусь прыбыла дэлегацыя з Андыжанскай вобласці на чале з яе кіраўніком (хакімам) Шухратбекам Абдурахманавым. Амаль адначасова ў краіну вылецела і першая група з 255 жыхароў вобласці, якія выказалі жаданне працаваць у Беларусі.

«Гэтыя грамадзяне ў Беларусі будуць забяспечаны высокааплатнымі працоўнымі месцамі, адпаведнымі ўмовамі працы і сацыяльнымі гарантыямі», — паведамляў тэлеграм-канал хакіма.

Вылет групы з 255 чалавек шырока асвятлялі мясцовыя СМІ Узбекістана. Крыніца: t.me/sh_abdurahmonov

Аднак, калі верыць відэазвароту, апублікаванаму сёння ў сацыяльных сетках, рэальнасць аказалася іншай.

На запісе, зробленым, імаверна, у Віцебску, вялікая група мужчын звяртаецца да Шухратбека Абдурахманава і скардзіцца на ўмовы, якія ім прапанавалі пасля прыезду.

Паводле іх слоў, падчас сустрэчы з прадстаўніком працадаўцы ім паведамілі, што заробак складзе каля 500 долараў на месяц, а выдаткі на харчаванне і пражыванне яны павінны будуць несці самастойна.

«Ён сказаў: калі ёсць праца больш чым на 500 даляраў, дык ідзіце, я больш грошай не дам. Заробак — 500 даляраў, харчаванне за твой кошт, за жыллё сам плаціш», — расказваюць мігранты.

Яны сцвярджаюць, што на такія ўмовы не пагадзіўся ніхто.

«Усе астатнія мы — не, за 500 даляраў працаваць не будзем», — кажуць яны.

Адзін з мужчын тлумачыць, што пасля аплаты асноўных выдаткаў ад заробку амаль нічога не застанецца.

«Калі мы тут будзем працаваць за 500 даляраў, калі 200 даляраў пойдзе на ежу, яшчэ каля 100 — на мыла, мыццё і іншыя бытавыя патрэбы, то няма ніякага сэнсу працаваць тут за 200 даляраў, марнаваць час і пакутаваць», — кажа ён.

Пасля гэтага аўтар звароту звяртаецца да кіраўніка вобласці з просьбай дапамагчы:

«Чым так, лепш бы вы нас назад ва Узбекістан адправілі».

Іншы ўдзельнік відэа сцвярджае, што на радзіме яны могуць зарабіць больш.

«Ва Узбекістане мы больш за гэта зарабляем. Нам кажуць: «Ідзіце». Але абяцалі, што да вечара ўсё вырашаць. Вось мы і просім вас гэта вырашыць».

На момант публікацыі Агенцтва міграцыі Узбекістана і іншыя адказныя ведамствы сітуацыю афіцыйна не пракаментавалі.

Нагадаем, напярэдадні Аляксандр Лукашэнка сустракаўся з хакімам Андыжанскай вобласці Шухратбекам Абдурахманавым і прапанаваў яму не абмяжоўвацца супрацоўніцтвам з Віцебскай вобласцю, а разгледзець магчымасць накіроўваць працоўных мігрантаў таксама ў Магілёўскую.

Каментары39

  • %
    15.07.2026
    А чаму яны на большае разлічвалі? Хіба няма магчымасьці даведацца пра сапраўднае становішча на Беларусі да меркаванага пераезда? Ці мазгоў хапае толькі на тое каб лухту слухаць?
  • Віталь
    15.07.2026
    Няма дурных, нават сам Узбекістане
  • Нуль
    15.07.2026
    И ведь не соврали чиновники. По меркам Беларуси 500$ это очень высокая зарплата!😆

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць