Грамадства99

Круты: Работнікі з Узбекістана завозяцца ў Беларусь пад інвестпраекты

Кіраўнік Адміністрацыі Лукашэнкі Дзмітрый Круты заявіў, што прыезд у Беларусь работнікаў з Узбекістана не з'яўляецца бескантрольнай міграцыяй, а звязаны з рэалізацыяй сумесных інвестыцыйных праектаў.

Дзмітрый Круты. Фота: Wikimedia Commons

Па словах Дзмітрыя Крутога, падчас апошніх перамоў кіраўнікоў Беларусі і Узбекістана гаворка ішла перш за ўсё пра развіццё інвестыцыйнага супрацоўніцтва, а не проста пра абмен працоўнай сілай.

Чыноўнік адзначыў, што гандлёвыя адносіны паміж дзвюма краінамі развіваюцца паспяхова. Узбекістан, паводле яго слоў, зацікаўлены ў рэалізацыі ў Беларусі праектаў у сферы аграпрамысловага комплексу, перапрацоўкі прадукцыі і іншых галін.

Асаблівая ўвага, як паведаміў Круты, надаецца харчовай бяспецы. У якасці прыкладу ён прывёў вытворчасць і пастаўкі сельскагаспадарчай прадукцыі, у тым ліку бульбы. Паводле яго слоў, ва Узбекістане пасля заканчэння сезона ранніх сартоў узнікае дэфіцыт позніх сартоў, таму краіна зацікаўленая ў сумесных праектах вырошчвання і паставак.

Для рэалізацыі такіх праектаў, адзначыў кіраўнік адміністрацыі Лукашэнкі, і могуць залучацца работнікі з Узбекістана. Ён падкрэсліў, што гаворка ідзе пра спецыялістаў з адпаведнай кваліфікацыяй, якія будуць працаваць на канкрэтных прадпрыемствах і інвестыцыйных пляцоўках.

Чыноўнік таксама расказаў, што працэдура прыезду замежных работнікаў у Беларусь прадугледжвае некалькі этапаў. Спачатку беларускія арганізацыі падаюць заяўкі на неабходных спецыялістаў, пасля чаго праводзіцца праверка кандыдатаў, у тым ліку праз дыпламатычныя структуры.

Пасля прыезду работнікі заключаюць працоўныя дамовы, у якіх вызначаюцца ўмовы аплаты працы, абавязкі і іншыя гарантыі. Асобна вырашаецца пытанне жылля — могуць выкарыстоўвацца інтэрнаты, гатэлі, арэнднае або іншае жыллё.

Калі работнікі прыязджаюць разам з сем'ямі, то іх сваякі, паводле слоў Крутога, атрымліваюць магчымасць сацыялізацыі: дарослым дапамагаюць з працаўладкаваннем, а дзецям — з навучаннем у школах і дзіцячых садках.

Ён таксама заявіў, што тэма прыезду работнікаў з Узбекістана была, маўляў, «раздзьмутая інфармацыйна». Круты параўнаў цяперашнюю сітуацыю з папярэднімі дыскусіямі вакол магчымай працоўнай міграцыі з іншых краін і падкрэсліў, што мэта такіх праектаў — каб яны былі выгаднымі як Беларусі, так і Узбекістану.

Пасля таго, як падчас нядаўняга візіту ў Беларусь прэзідэнта Узбекістана Шаўката Мірзіёева была падпісаная адпаведная двухбаковая дамова, першая арганізаваная група грамадзян Узбекістана ўжо прыбыла ў Беларусь. Паведамлялася, што яны будуць працаваць у васьмі раёнах Віцебскай вобласці, а таксама ў Віцебску і Наваполацку. Найбольш іх збіраюцца выкарыстаць у сельскай гаспадарцы, будаўніцтве і жыллёва-камунальнай гаспадарцы.

Аднак жа адразу пасля прыбыцця ўзбекскіх работнікаў аказалася, што ўмовы, якія ім насамрэч прапанавалі, значна адрозніваюцца ад дэклараваных, што выклікала канфлікт. Пасля яго ўдалося прынамсі часова прытушыць павышэннем заробкаў і паляпшэннем жыллёвых умоў.

Каментары9

  • Гена
    18.07.2026
    Да в самом Узбекистане дела в гору идут, зачем специалистам ехать в гиблое место?
  • перевод на понятный
    18.07.2026
    Перевожу на понятный: эти, "инвестпроэкты" - прокручивают семейное бабло и бабло высокопоставленных, специально для поборников белмовы, - красавцев в погонах, в специальных экономических зонах и, об "инвестпроэктах", не надо знать туземцам и аборигенам, чтобы лишний раз не волновались и не буянили.
    Деньги любят тишину и не любят сглаз.
  • jaBackaUzbiekaŭ
    18.07.2026
    Беларусаў выкідаюць з краіны, а завозяць узбекаў... пад інвестыцыйныя праекты... Большай здрады беларускай нацыі цяжка ўявіць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць