Грамадства1616

133 сілавікі на 277 чалавек, з якіх 26 дзеці. Стала вядома, як разганялі злёт пад Расонамі

Сілавікі расказалі падрабязнасці пра разгон злёту «Беларуская вясёлка», які адбываўся на беразе возера Белае каля вёскі Межна Расонскага раёна. 

На беразе возера сілавікі налічылі 47 аўтамабіляў, дзясяткі намётаў, абсталяваныя вогнішчы, магутныя калонкі і музычныя інструменты. Паводле афіцыйных звестак, у зборы ўдзельнічалі не менш за 277 чалавек: 251 дарослы і 26 непаўналетніх.

Сярод удзельнікаў былі 68 замежнікаў — 67 грамадзян Расіі і адзін грамадзянін Ізраіля.

Для правядзення разгону мерапрыемства задзейнічалі 133 супрацоўнікаў міліцыі, у тым ліку 89 амапаўцаў, а таксама супрацоўнікаў ДАІ, патрульна-паставой службы і следча-аператыўнай групы.

Для разбіральніцтва ўдзельнікаў даставілі трыма аўтобусамі ў раённы Дом культуры. 26 дзяцей разам з бацькамі размясцілі ў фізкультурна-аздараўленчым комплексе «Старт». 

У дачыненні да ўдзельнікаў пачаліся адміністрацыйныя працэсы. Па словах міліцыі, ужо складзена каля 70 пратаколаў за парушэнне парадку арганізацыі і правядзення масавых мерапрыемстваў, а таксама за распаўсюджванне нібыта «экстрэмісцкіх» матэрыялаў.

Сілавікі таксама паведамілі пра затрыманне адміністратараў тэматычнага тэлеграм-чата «Беларуская вясёлка», праз які нібыта адбывалася запрашэнне і каардынацыя ўдзельнікаў.

Адзін з затрыманых — 52‑гадовы мінчанін Аляксандр Жораў, супрацоўнік камерцыйнай кампаніі. Сцвярджаецца, што раней ён нібыта прыцягваўся да адміністрацыйнай адказнасці за ўдзел у пратэстах 2020 года і знаходзіцца ў міліцэйскіх базах як чалавек, звязаны з фінансаваннем пратэснай дзейнасці.

Другой затрыманай названая 20‑гадовая ўраджэнка Гродна Аліса Кухта, якая працуе ў адной з гродзенскіх школ. 

Каментары16

  • 09082020
    31.07.2026
    Всех научим родину любить.
  • дата памятная
    01.08.2026
    09082020, я думаю, что всю эту обслугу оккупационной власти, ждут лишения пенсий и госжилья. А тех, кто сдохнет, эксгумация и перезахоронение на спец кладбище в гомельской области.
  • Володин
    01.08.2026
    09082020, да это же пропаганда ЛГБТ!!!

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць