Свет88

Anthropic дадала вадзяныя знакі ў Claude — распрацоўшчыкі адразу выпусцілі «сціркі»

Рашэнне Anthropic маркіраваць згенераваныя Claude тэксты выклікала новы ўсплёск цікавасці да сэрвісаў для выдалення такіх метак. Некаторыя інструменты з’явіліся праз некалькі дзён пасля анонсу кампаніі і ўжо набралі тысячы карыстальнікаў, піша devby.io.

Anthropic дадала вадзяныя знакі ў Claude — распрацоўшчыкі адразу выпусцілі «сціркі»

Business Insider паведамляе, што цікавасць да запыту AI watermark remover у Google Trends у ЗША за тыдзень вырасла на 60%. Адначасова з’явіліся некалькі праектаў, якія абяцаюць выдаляць або аслабляць маркіроўку ў тэкстах і файлах.

Адзін з іх — адкрыты Watermarks Remover, які запусціў французскі прадпрымальнік Гіём Мэер. Паводле яго слоў, першую версію ён сабраў прыкладна за пяць гадзін. Праект ужо атрымаў больш за 14 тысяч зорак на GitHub.

Інструмент выдаляе схаваныя сімвалы і метаданыя, а потым перапісвае тэкст, каб парушыць статыстычны шаблон выбару словаў, на якім заснаваны вадзяны знак Anthropic. Пры гэтым распрацоўшчык не гарантуе, што маркіроўка будзе выдаленая цалкам.

«Я цалкам за пазначэнне паходжання кантэнту. Я супраць менавіта гэтай тэхналогіі вадзяных знакаў, і гэта важнае адрозненне», — заявіў Мэер.

Паводле яго меркавання, такі падыход занадта спрашчае пытанне аўтарства, бо адзін і той жа вадзяны знак можа з’яўляцца як у цалкам згенераваным тэксце, так і пасля рэдагавання чалавекам напісанага матэрыялу.

Anthropic раней падкрэслівала, што яе маркіроўка не прызначаная для вызначэння аўтарства. Яна толькі дазваляе ацаніць верагоднасць таго, што Claude удзельнічаў у стварэнні тэксту.

Іншы распрацоўшчык, Анш Анежа, выпусціў уласны інструмент для выдалення вадзяных знакаў Claude у дзень анонсу функцыі. Пазней ён апублікаваў лакальную адкрытую версію пад назвай MarkScrub. Паводле яго, за першыя суткі з паслуг сэрвіса скарысталіся 8,5 тысячы чалавек.

Эфектыўнасць гэтых рашэнняў пакуль не пацверджаная незалежнымі тэстамі. Даследчык ETH Zurich Тыбо Глааген адзначае, што ў вадзяных знакаў у прынцыпе ёсць фундаментальнае абмежаванне: калі дастаткова моцна перапісаць тэкст, статыстычны патэрн можна разбурыць.

Юрыдычны статус такіх інструментаў у ЕС пакуль застаецца нявызначаным. Закон аб ШІ патрабуе ад пастаўшчыкоў мадэляў рабіць маркіроўку ўстойлівай да выдалення і змяненняў, але напрамую не забараняе трэцім асобам ствараць інструменты для яе выдалення.

Пры гэтым выкарыстанне такіх сэрвісаў для таго, каб выдаваць згенераваны ШІ тэкст за чалавечы, можа парушаць правілы Anthropic. Палітыка кампаніі забараняе прадстаўляць вынікі працы мадэлі як створаныя чалавекам.

Каментары8

  • Капіруй
    21.08.2026
    Калі тэкст - капіруй у Notepad++. Адтуль у любы іншы тэкставы радактар. Нічога акрамя голага тэксту не застанецца.
  • Жэка
    21.08.2026
    Людзі перастануць карыстацца антропікам. Шчыра кажучы, абнаглелі. Самі сваю мадэль навучылі на крадзеных дадзеных, якія выкарыстоўваліся без дазволу аўтараў - а цяпер яны нейкія вадзяныя знакі ставяць, "аўтарства" сваё пазначаюць? Якое тваё "аўтарства"?

    [Зрэдагавана]
  • статыстык
    21.08.2026
    Капіруй, пазнакай з'яўляецца сама структура тэксту і выбар сімвалаў. Напрыклад, чаргаванне прабелаў адзінарны-двайны, нейкія рэдкія знакі пунктуацыі (сімвалаў апострафаў, кавычак і цірэ многа варыянтаў у юнікодзе, нават прабелаў некалькі). Хоць бы замена лацінскай "c" на кірылічную "с". Што заўгодна, што людзі ў норме не робяць, і што ў вочы не кідаецца.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку24

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны51

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку24

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць