Грамадства44

У Смалявічах затапіла цэнтр горада. Камунальнікі вінавацяць вільготныя сурвэткі

Жыхары Смалявічаў ужо другі дзень назіраюць у цэнтры горада працу спецтэхнікі камунальных службаў. Пасля нядаўняга сур'ёзнага засору на вуліцы Камсамольскай адбылася новая аварыя, у выніку якой каналізацыйныя сцёкі пайшлі ў падвалы гарадскога Дома культуры і размешчанага побач дзіцячага сада, піша выданне Smolevichi24.by.

Фота: smolevichi-24.by

Дырэктар Смалявіцкага водаканала Яўген Мікалаеў расказаў, што новы засор пачалі ліквідаваць яшчэ ў другой палове дня 9 верасня. Работнікі прадпрыемства працавалі да 23‑й гадзіны, а раніцай 10 верасня працягнулі работы.

Прычынай аварыі сталі вялікія коркі з вільготных сурвэтак і ануч, якія людзі змываюць ва ўнітазы. Яны заблакавалі каналізацыйны калектар, пасля чаго сцёкі пачалі выходзіць у падвальныя памяшканні.

Фота: smolevichi-24.by

Камунальнікі прачысцілі ўжо амаль паўкіламетра каналізацыйных сетак. Для ліквідацыі засору задзейнічалі гідрадынамічную машыну, якая прамывае трубы пад высокім ціскам, і магутную вакуумную машыну. Значную частку смецця, аднак, даводзіцца даставаць уручную.

Фота: smolevichi-24.by

Толькі за вечар работнікі вынялі з калодзежа каля 10 вёдраў смецця. Усяго ўжо дасталі больш за 200 кілаграмаў зляжалых сурвэтак і ануч, але калодзеж усё яшчэ застаецца запоўненым.

Калі прабіць засор не ўдасца, камунальнікам можа спатрэбіцца перакапаць усю плошчу ў цэнтры горада. Калектары там знаходзяцца на глыбіні каля пяці метраў, а ў грунце ёсць плывун. Для пракладкі аднаго калектара можа спатрэбіцца катлаван шырынёй не менш за шэсць метраў. Такія работы будуць складанымі і дарагімі, а на іх выкананне можа спатрэбіцца не менш за месяц.

Фота: smolevichi-24.by

Дырэктар водаканала заклікаў жыхароў не змываць ва ўнітазы вільготныя сурвэткі, вільготную туалетную паперу, сродкі гігіены, падгузнікі, анучы і рэшткі ежы. Гэтыя рэчы не раствараюцца ў вадзе, назапашваюцца ў трубах, могуць пашкоджваць помпы і прыводзіць да затаплення падвалаў дамоў і розных устаноў.

Жыхарам раяць паставіць у прыбіральні звычайную сметніцу і выкідаць такое смецце ў яе, а не ў каналізацыю.

Каментары4

  • фекальны монстр
    11.09.2026
    "каналізацыйныя сцёкі пайшлі ў падвалы гарадскога Дома культуры"
    што характэрна.. бо кіданне вільготных сурвэтак і інш., што можа забіць каналізацыю, шмат кажа пра культуру людзей
  • ахах
    11.09.2026
    [Рэд. выдалена]
  • торк
    13.09.2026
    девушка жэншчына с вами все нормально?

    кака
    я вам извините девушка ?
    господа

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м63

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць