Здарэнні1515

У Салігорску котка стала на індукцыйную пліту — згарэла ўся кватэра

Котка загінула.

Настасся Лысак і яе котка. Тут і далей фота з сацсетак Настассі

Сумную гісторыю ў Threads распавяла Настасся Лысак з Салігорска.

Сям’я паехала ў сталіцу, дома за галоўную засталася котка. Як так адбылося, незразумела, але хатняя любіміца змагла ўключыць індукцыйную пліту. Настасся кажа, што сэнсар працаваў даволі лёгка.

Імаверна, праблемы ўдалося б пазбегнуць, калі б на пліце нічога не было. Сучасная тэхніка ў такіх выпадках хутка адключаецца самастойна. Але па трагічнай выпадковасці там стаяў рондаль з супам. Калі вадкасць выкіпела, пачаўся пажар.

У выніку згарэла кухня, пашкоджаныя і іншыя пакоі — усе сцены і столі ў сажы. Шпалеры трэба пераклейваць, дзверы мяняць. Жанчына кажа, што страхоўка ў іх была аформлена, але яна не пакрые ўсе неабходныя траты. 

Сама котка загінула — задыхнулася ад дыму. Цяпер Настасся заклікае ўсіх не забываць ставіць блакаванне на плітах.

У каментарах людзі расказваюць, што траплялі ў падобныя сітуацыі: «Пліта была заблакаваная, але котка разблакавала ўсё ж. На шчасце, я з дзіцём была дома і пабачыла пажар, хутка ўсё патушыла. Страх цяпер забяспечаны, нават ноччу не магу спаць спакойна, я думала, мы задыхнёмся», «У мяне котка разблакавала пліту і ўчыніла пажар, пакуль я святкавала 8 сакавіка ў іншым горадзе. З тых часоў я выключаю пліту з разеткі адразу пасля гатавання», «Наш кот неяк уключыў пліту, на якой стаяў рондаль з ежай. Уся ежа згарэла, рондаль чорны, але абышлося. З тых часоў на пліце заўсёды «дзіцячы рэжым», нават калі я дома», «У мяне аднойчы таксама коткі пліту ўключылі. Добра, толькі тое, што на ёй стаяла, згарэла. Вельмі вам спачуваю». 

Каментары15

  • Tut
    12.10.2026
    Віна гаспадароў. У мяне нават няма хатніх жывёл, але калі я з'язджаю, то адключаю пліту, усе разеткі акрамя халадзільніка, перакрываю ваду і зачыняю вокны. На сэнсар можа нават муха сесці і ўключыць, або нешта можа зваліцца зверху на сэнсар, які пакет —трэба пра гэта ведаць.
  • Ганка
    12.10.2026
    Галоўнае пытаньне: навошта патрэбная страхоўка, якая не пакрывае страты ад пажару? Хіба гэта ня самае галоўнае, для чаго робяць страхоўку нерухомасьці?
  • пр опа
    12.10.2026
    Шаттл, вось вам і каты.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць