Грамадства22

На пажарны пост у Хойніцкім раёне прыпоўз тарантул ФОТАФАКТ

Нечаканая сустрэча адбылася на пажарным аварыйна-выратавальным пасту ў аграгарадку Кіраў Хойніцкага раёна. Там супрацоўнікі МНС заўважылі паўднёварускага тарантула — аднаго з найбуйнейшых павукоў, якія сустракаюцца ў нашай краіне, піша мясцовая раёнка «Прыпяцкая праўда».

Фота: narovlya.by

З'яўленне павука на пажарным посце магло быць звязана з пошукам сховішча ад непагадзі альбо з наяўнасцю паблізу насякомых, якія маглі прыцягнуць яго.

Пажарнікі не сталі прычыняць павуку шкоды. Спачатку яны сфатаграфавалі незвычайнага госця, а затым асцярожна адлавілі яго і выпусцілі ў прыроднае асяроддзе, далей ад жылых дамоў.

Паўднёварускі тарантул (Lycosa singori) можа мець цела да 3—4 сантыметраў у даўжыню, а разам з нагамі яго памер дасягае 7—8 сантыметраў. Звычайна ён мае буравата-шэрую афарбоўку з цёмнымі плямамі і палосамі, дзякуючы чаму добра маскіруецца ў прыродзе.

Нягледзячы на буйны памер і грозны выгляд, гэты павук не ўяўляе смяротнай небяспекі для чалавека. Праўда, ягоны ўкус балючы і можа выклікаць ацёк, пачырваненне і смыленне, падобныя да рэакцыі пасля ўкусу асы або пчолы. Аднак жа ягоная атрута не мае нейратаксічнага дзеяння, здольнага выклікаць цяжкія сістэмныя наступствы. Тым не менш, рэакцыя на ўкус можа быць індывідуальнай, таму пры з'яўленні непрыемных сімптомаў рэкамендуецца звярнуцца да доктара.

Тарантулы вядуць пераважна начны і схаваны лад жыцця. Яны выкопваюць у зямлі глыбокія норы, часам з амаль вертыкальным уваходам, і высцілаюць іх павуціннем. Асноўная іх ежа — насякомыя, але яны таксама могуць паляваць на дробных грызуноў і яшчарак. У цёплую пару года, асабліва ўвечары і ўначы, тарантулаў можна сустрэць на адкрытых тэрыторыях, у палях і на лугах, а часам і каля чалавечага жылля.

Настаўніца хіміі і біялогіі Хойніцкай сярэдняй школы № 2 імя Івана Шаўрэя Таццяна Шыліна адзначыла, што паўднёварускі тарантул з'яўляецца цалкам натуральным насельнікам Палесся. Ён выконвае важную ролю ў мясцовай экасістэме, рэгулюючы колькасць шкодных насякомых. Павук актыўны ў цёплы перыяд года, пераважна ў прыцемках і ўначы. Ягоныя норы могуць дасягаць паўметра ў глыбіню, што дапамагае перажыць неспрыяльныя ўмовы.

Паводле слоў настаўніцы, нягледзячы на свой даволі суровы выгляд, тарантул не агрэсіўны і нападае на чалавека толькі тады, калі адчувае непасрэдную пагрозу і абараняецца.

Каментары2

  • Жвір
    07.10.2026
    Во, буду ведаць, дзякуй. У мяне ля дрывотні шмат вялізных павукоў, пэўна й гэты там у наяўнасьці.
    Цікава, а што з іншымі, ці ёсьць у нас трутныя павукі, здольныя несьці пагрозу жыцьцю чалавека ?
  • і нават тарантула прысабечылі
    08.10.2026
    > Паўднёварускі тарантул
    Геапалітычныя бойка за тарантула =) :

    - čeština: Slíďák tatarský
    - polski: Tarantula ukraińska
    - русский: Южнорусский тарантул

    Я буду салідарны з палякамі і тарантула буду называць УКРАІНСКІМ альбо ТАТАРСКІМ. А [Рэд. Выдалена] няхай ідзе за сваім ваенным караблём.

    [Зрэдагавана]

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць