Грамадства

У Чыжоўскім вадасховішчы ў Мінску злавілі гіганцкага сома ФОТАФАКТ

Мінчук злавіў гіганцкага сома вагой 32,4 кілаграма на Чыжоўскім вадасховішчы. Незвычайны ўлоў трапіўся ў канцы кастрычніка, калі рыбак разам з сябрам ужо збіраўся заканчваць рыбалку.

Аляксандр падзяліўся фатаграфіяй трафея ў інстаграме. Паводле яго слоў, вырашальным стаў апошні закід вуды. Рыба так моцна ўзялася, што спінінг сагнуўся, а лодку пачало цягнуць па вадзе.

Барацьба з сомам працягвалася каля гадзіны. У нейкі момант Аляксандр ужо хацеў здацца і перарэзаць лёску: рукі стаміліся, а рыба працягвала супраціўляцца. Аднак сябар пераканаў яго не адступаць. У выніку рыбакам удалося зацягнуць сома ў лодку.

Пасля фатаграфавання мужчыны выпусцілі рыбіну назад у вадаём.

Чыжоўскае вадасховішча — штучны тэхнічны вадаём у Мінску, які карыстаецца папулярнасцю ў рыбакоў. Акрамя самоў, там водзяцца ляшчы, плоткі, карасі, карпы, сазаны, краснапёркі, верхаводы, печкуры, яршы, акуні, шчупакі і судакі.

Купацца ў вадасховішчы забаронена. Таксама не рэкамендуецца ўжываць у ежу злоўленую там рыбу праз назапашванне шкодных і таксічных рэчываў у вадзе і донных адкладах.

З 1 лістапада ў Беларусі пачнуць дзейнічаць сезонныя абмежаванні на лоўлю асобных відаў рыбы. Да 31 сакавіка будзе забаронена лавіць і еўрапейскага сома. У халодную пару ён залягае ў ямах і сховішчах, дзе становіцца лёгкай здабычай для нядобрасумленных рыбаловаў. Забарона павінна дапамагчы захаваць папуляцыю гэтага віду.

Таксама з 1 лістапада да 15 снежня будзе забаронена лавіць чудскага сіга ў перыяд яго нерасту.

Акрамя таго, з 1 кастрычніка дзейнічае забарона на лоўлю любой рыбы ў зімавальных ямах. Яна будзе заставацца ў сіле да 15 красавіка.

Каментары

Цяпер чытаюць

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?13

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць