Свет

Звязаныя з ФСБ хакеры пачалі новую серыю атак на журналістаў і палітыкаў па ўсім свеце

Сярод цэляў — Хрыста Грозеў, суаўтар «Панамскага дасье» і супрацоўнікі Le Monde.

За апошнія дні стала вядома адразу пра некалькі фішынгавых атак на журналістаў. Іх зазналі расследавальнік Хрыста Грозеў, нямецкі журналіст і адзін з аўтараў «Панамскага дасье» Бастыян Обермаер, супрацоўнікі Le Monde, а таксама французскі дэпутат, піша «Агенцтва»

Паводле звестак Le Monde, за серыяй атак стаіць хакерская групоўка, якую ўлады ЗША звязваюць з памежнай службай, што ўваходзіць у ФСБ.

18 лістапада Грозеў расказаў, што атрымаў у Signal паведамленне нібыта ад нямецкага журналіста, з якім не кантактаваў некалькі гадоў. Адпраўнік запрашаў яго на відэаканферэнцыю. Грозеў адкрыў спасылку ў ізаляваным віртуальным асяроддзі і выявіў падробленую старонку Google Meet, якая павінна была перанакіраваць яго на фальшывую старонку ўваходу ў Telegram для крадзяжу звестак аўтарызацыі.

Грозеў звярнуў увагу на сляды рускай мовы: хакеры скапіявалі рускамоўную версію Google Meet, а тэкст запрашэння ўтрымліваў неўласцівыя для англійскай мовы звароты, якія нагадвалі калькі з рускай.

«У гэтым і палягае вытанчанасць — выбіраецца нехта з ВАШЫХ кантактаў, але настолькі аддалены, што вы можаце паверыць, нібыта ў яго з'явіўся новы нумар у Signal», — растлумачыў Грозеў.

У каментарах да публікацыі нямецкі журналіст Бастыян Абермаер, адзін з аўтараў расследавання Panama Papers, паведаміў, што таксама атрымаў падобнае паведамленне. Яго насцярожыла памылка ў імені імавернага адпраўніка. Грозеў спытаў, ці супадаў тэкст з атрыманым ім запрашэннем. Абермаер пацвердзіў, што паведамленні былі аднолькавымі.

17 лістапада трое журналістаў Le Monde атрымалі ў Signal запрашэнні на відэаканферэнцыю пра вайну ва Украіне і расійска-ўкраінскія перамовы. Паведамленні прыйшлі нібыта ад знаёмага еўрапейскага журналіста і ўтрымлівалі фішынгавую спасылку.

Сярод мэтаў хакераў быў і французскі дэпутат Эрык Батарэль. Яму з узламанага Signal-акаўнта знаёмага прапанавалі ўступіць у групу ў Telegram. Спасылка вяла на падробленую старонку месенджара, дзе патрабавалася пазначыць нумар тэлефона і код пацвярджэння.

Паводле звестак Le Monde, атакі працягваюцца як мінімум з сярэдзіны кастрычніка. Хакерам удалося атрымаць доступ да акаўнта кіраўніка кампаніі ў сферы кібербяспекі, удакладняе выданне, але не называе яго імя.

Французскім прыхільнікам Украіны зламыснікі пісалі ад імя асацыяцыі Pour l’Ukraine, pour leur liberté et la nôtre! У 2022 годзе яна перадала Міжнароднаму крымінальнаму суду матэрыялы пра вываз украінскіх дзяцей у Расію. У сакавіку 2025 года расійская генпракуратура абвясціла арганізацыю «непажаданай».

Грозеў у сваім допісе ў X піша, што гэта «новая фішынгавая кампанія ад нашых сяброў Fancy/Cozy/GummyBear на гэтым тыдні».

Крыніцы Le Monde у еўрапейскіх службах бяспекі аднеслі атакі да дзейнасці хакерскай групы UNC5792, вядомай таксама як Frontier Blizzard і Sentry Bear. Галоўны аналітык Google па кіберпагрозах Джон Халтквіст вывучыў перададзеныя рэдакцыяй тэхнічныя звесткі і пацвердзіў, што дзеянні зламыснікаў адпавядаюць метадам гэтай групы.

У чэрвені ФБР і агенцтва па кібербяспецы ЗША паведамілі, што супрацоўнікі ФСБ, якія працуюць у памежнай службе, і іншыя звязаныя з расійскімі спецслужбамі хакеры спрабуюць атрымаць доступ да месенджараў чыноўнікаў, вайскоўцаў, палітыкаў і журналістаў. Амерыканскія ведамствы звязалі гэтыя аперацыі з групамі UNC5792 і UNC4221. Як піша Le Monde са спасылкай на ўлады ЗША, за UNC5792 стаіць спецгрупа ў адным з падраздзяленняў памежнай службы ФСБ.

Пра кампанію UNC5792 Google папярэджваў яшчэ ў лютым 2025 года. Паводле звестак кампаніі, у межах яе былі атакаваныя карыстальнікі Signal, найперш украінскія вайскоўцы. Тады хакеры падмянялі запрашэнні ў групавыя чаты спасылкамі, якія дазвалялі падключыць да акаўнта прыладу зламысніка і чытаць перапіску. Кампанія дапускала распаўсюджванне гэтага метаду за межы Украіны.

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць