Улада6161

Качанава працягвае адстойваць Дэкрэт №3

Каб дзяржава магла выконваць узятыя на сябе сацыяльныя гарантыі, кожны чалавек павінен удзельнічаць у фінансаванні дзяржвыдаткаў. Пра гэта заявіла сёння журналістам кіраўнік Адміністрацыі прэзідэнта Беларусі Наталля Качанава, перадае БЕЛТА.

«Для таго каб выконваліся тыя сацыяльныя гарантыі, якія ўзяло на сябе дзяржава, вядома, мы разумеем, што кожны чалавек павінен працаваць і ўдзельнічаць у фінансаванні гэтых выдаткаў», — адзначыла Качанава.

Кіраўнік Адміністрацыі прэзідэнта распавяла, што адно з пытанняў, якое разглядалася на сённяшняй нарадзе ў кіраўніка дзяржавы, датычылася рэалізацыі дэкрэта №3 «Аб папярэджанні сацыяльнага ўтрыманства». Была звернутая ўвага на дапушчаныя пралікі ў гэтай рабоце.

«Перш за ўсё тут не спрацавалі кіраўнікі мясцовых органаў улады, якія павінны былі правесці выразную тлумачальную працу з людзьмі», — патлумачыла яна.

Акрамя таго, рэалізацыя дэкрэта легла на плечы падатковых органаў, што было няслушным. Таму паведамленні аб неабходнасці выплаціць збор на фінансаванне дзяржвыдаткаў часам атрымлівалі людзі, з якіх ён і не павінен быў спаганяцца. Пасля дбайнага аналізу сітуацыі ў рэгіёнах было прынятае рашэнне, што гэтай працай зоймуцца мясцовыя органы ўлады.

«Задачы пастаўленыя няпростыя. Сёння трэба адпрацаваць кожнае паведамленне, якое паступіла. Вылучыць тых людзей, якія павінны плаціць гэты збор. Прычым плаціць яго павінны тыя, хто сапраўды не працуе. Дадзены дэкрэт — не фінансавы і эканамічны дакумент, а сацыяльны. Людзі павінны ўдзельнічаць у фінансаванні дзяржаўных расходаў. І таму стаіць задача перш за ўсё вызначыць тых людзей, якія павінны і могуць працаваць», — адзначыла Качанава.

Яна дадала, што тыя людзі, якія па аб'ектыўных прычынах працаваць не могуць, а, адпаведна, і не павінны выплачваць збор, ужо вызначаныя дэкрэтам. Аднак плануецца пашырыць гэты пералік катэгорый грамадзян. Пры гэтым выплата збору на год прыпыняецца.

«2017 год толькі пачынаецца, і людзі маюць магчымасць самі вызначыць, ці будуць яны працаваць і не плаціць гэты збор або не працаваць і ўдзельнічаць у фінансаванні дзяржаўных расходаў, — падкрэсліла кіраўнік Адміністрацыі прэзідэнта. — Тым людзям, якія ўжо заплацілі збор, калі яны працаўладкаваныя і будуць працаваць, падатковыя органы будуць абавязаныя вярнуць гэтую суму».

Усе грошы, якія будуць паступаць у бюджэты раёнаў і гарадоў пры рэалізацыі норм дэкрэта №3, будуць накіроўвацца на падтрымку дзяцей у розных сферах.

Наталля Качанава звярнула ўвагу, што кіраўнікі гарадоў і раёнаў падтрымліваюць дадзены прававы акт. «Яны кажуць, што нарэшце даведаліся пра рэальную карціну, чым займаюцца людзі. Ёсць шэраг грамадзян, якія проста ніколі не працавалі і працаваць не хочуць, тыя, якія вядуць асацыяльны лад жыцця. І такіх нямала», — сказала яна.

Разам з тым аналіз рэалізацыі дэкрэта паказаў, што ёсць рэгіёны, дзе маюцца праблемы з працаўладкаваннем. Таму пастаўленая задача максімальна аказваць дапамогу людзям пры пошуку працы.

Каментары61

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

У Беларусі паскорыўся рост ВУП5

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць