Грамадства3131

Марзалюк расказаў, чаму пусціў слязу на словах Лукашэнкі 

Рэакцыя дэпутата-гісторыка Ігара Марзалюка на выступ Лукашэнкі ў парламенце аказалася вельмі эмацыйнай. Ён расхваляваўся і пусціў слязу на словах пра тое, што беларуская моладзь, народжаная ў часы незалежнасці, не дасць уключыць Беларусь у склад нейкай дзяржавы.

Гэтая яго рэакцыя стала нават інтэрнэт-мемам.

Чытайце таксама. Шчаслівы Марзалюк са слязьмі на вачах стаў героем мемаў ВЯСЁЛЫЯ КАРЦІНКІ

«Наша Ніва» пацікавілася ў Марзалюка, што ён адчуваў у той момант.

«Калі нейкая свалата, незалежна з якога перыметра, паспрабуе нешта з ёй зрабіць, з маёй Радзімай… Мне ўсё роўна, з якога боку будзе сыходзіць небяспека! Кожны паважаючы сябе чалавек павінен ведаць, што ёсць адна краіна, ёсць адна Беларусь, адзін прэзідэнт, адна дзяржава, сімвалы, якія ўсе, незалежна ад палітычных поглядаў, павінны бараніць. Сёння былі сказаныя фундаментальныя рэчы па-над палітыкай, гэта нацыянальныя вартасці, якія павінны быць агульныя. Так і сказаў сёння Лукашэнка: мы ніколі нікому не аддамо сваю краіну, нікому не дазволім яе разрываць, а калі нехта палезе, то атрымае. Вось і ўсё! Гэта правільны падыход! Правільная і сумленная пазіцыя любога грамадзяніна, любога беларуса. І калі я кажу «беларус», я маю на ўвазе чалавека, які ідэнтыфікуе сябе з беларускай краінай незалежна ад таго, колькі ў яго крыві намешана і адкуль прыехалі продкі. Ты — адзін з нас, як мурын Янка ў «Каласах пад сярпом тваім» Уладзіміра Караткевіча», — адказаў Марзалюк.

«Дык гэта супадзенне вашых думак са словамі Лукашэнкі пусціла вам слязу?», — удакладніла «Наша Ніва». 

«Вы ведаеце што… Вы свае слёзы разбірайце! І ўсё астатняе. Можа, вам паспавядацца? Для мяне, у адрозненне ад тых, хто цынічна гандлюе рызамі Бацькаўшчыны, што на Захад, што на Усход… Бацькаўшчына — гэта тое, за што мае продкі змагаліся і паміралі. Дарэчы, сярод маіх продкаў ёсць і рэпрэсаваныя. Гэта так… тым хамам, што мяне паліваюць брудам [за рэакцыю на падзеі ў Курапатах — Рэд.]. Але для мяне фундаментальныя каштоўнасці важнейшыя — Беларусь. Мой прадзед набываў «Нашу Ніву» у друкарні пана Марціна Кухты! У маім родзе помнікі з беларускімі надпісамі ставілі на могілках у 1920-1930-я гады! Для мяне гэта фундаментальная рэч — мой народ, мая дзяржава, мая краіна!», — падсумаваў Марзалюк. 

Ён таксама патлумачыў, чаму задаваў пытанне Лукашэнку па-руску: «таму што ён так выступаў». 

Каментары31

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць