Грамадства5555

Моладзь у Брэсце робіць грошы на пачуццях расійскіх турыстаў ФОТЫ

Традыцыйна перад 9 Мая Брэсцкую крэпасць наведваюць тысячы турыстаў з Расіі. «Расійскі сезон» расцягваецца на ўсю першую дэкаду месяца. Ён прыносіць добры даход аграсядзібам, гатэлям, казіно, а таксама проста прадпрымальным маладым людзям.

Напярэдадні Дня Перамогі ў Брэсцкай крэпасці — пік турыстычнага сезона.

На паркоўцы перад уваходнай брамай малады хлопец гандлюе «сімволікай перамогі»: чырвонымі сцяжкамі з «георгіеўскім» фальклорам, магніцікамі і пілоткамі.

Малады прадпрымальнік (справа) размясціў свой тавар у старым «Мерсэдэсе» на паркоўцы каля Брэсцкай крэпасці. Пажылы турыст купіў у яго пілотку.

Сабекошт гэтага шырспажыву капеечны, але турысты не шкадуюць грошай у сімвалічным месцы.

Малады берасцеец займаецца разносным гандлем у крэпасці.

Гандаль вядзецца без чэкаў і касавых апаратаў, бо ніхто не будзе правяраць прадаўцоў у «святым для кожнага савецкага чалавека месцы».

Хадавы тавар сёлета — пілоткі часоў вайны.

Улады Беларусі сочаць за тым, каб у публічнай прасторы гарадоў, у тым ліку і Брэста, дамінавала беларуская сімволіка, у тым ліку «кветка мірнага жыцця» — яблыневы цвет на фоне беларускага сцяга. Але расійскім турыстам ніхто не перашкаджае выказваць свае пачуцці, хоць па начах георгіеўскія стужкі ціха здымаюць.

Расійскія турысты павязваюць купленыя георгіеўскія стужкі на помнікі ў крэпасці. Уначы іх ціха здымаюць, каб не дапусціць палітызацыі мемарыяла.

Для пабудовы Брэсцкай крэпасці ў ХІХ ст. расійскія ўлады знеслі стары — гатычны і барочны Берасць — у тым ліку замак і Мікалаеўскую царкву, у якой у 1596 годзе была заключаная Берасцейская унія. У 1941 годзе шматлікі гарнізон крэпасці ў першыя ж гадзіны вайны аказаўся ў нямецкім акружэнні і некалькі тыдняў абараняўся (сам горад Брэст немцы захапілі за некалькі гадзін). Пасля вайны савецкія ўлады надалі крэпасці званне «крэпасць-герой». У цытадэлі быў створаны мемарыял, для стварэння большага эфекту некаторыя будынкі знеслі да стану руін. Такі лёс напаткаў, у прыватнасці, Белы палац — былы ўніяцкі базыльянскі манастыр, у якім у 1918 годзе быў падпісаны Берасцейскі мір. Мемарыял Брэсцкай крэпасці стаў помнікам трагізму першых месяцаў вайны, калі абяскроўленая сталінскімі рэпрэсіямі армія толькі цаной жахлівых страт спыніла наступ нацыстаў. 

Турысты робяць сэлфі каля галоўнага ўваходу ў савецкі мемарыял.
Экскурсанты запаўняюць мост перад Холмскімі варотамі крэпасці.
Будзёнаўкі, куфайкі і нават копіі аўтаматаў — асартымент у Брэсцкай крэпасці.
Некаторыя турысты з Расіі апранаюцца ў форму часоў вайны.
Альпіністы мыюць ад лішайнікаў галоўны манумент Брэсцкай крэпасці.

Каментары55

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць