Улада5656

Малочная вайна

З 6 чэрвеня забаронены ўвоз у Расію каля 500 відаў беларускай малочнай прадукцыі.

Расспажыўнагляд забараніў увоз у Расію амаль 500 відаў беларускай малочнай прадукцыі. Забарона дзейнічае з 6 чэрвеня, паведамляе РІА Новости.

Як заявіў журналістам галоўны дзяржаўны санітарны доктар РФ Генадзь Анішчанка, гэта звязана з тым, што беларускія вытворцы не перааформілі дазвольную дакументацыю ў адпаведнасці з патрабаваннямі тэхнічнага рэгламенту, якія набылі моц яшчэ ў снежні 2008 года.

«Са шкадаваннем трэба зазначыць, што, нягледзячы на выказаную трывогу адносна таго, што беларускія вытворцы малака не спяшаюцца выконваць расійскае заканадаўства і не афармляюць дазвольную дакументацыю ў адпаведнасці з тэхрэгламентам, належнай рэакцыі не было», — цытуе Анішчанка РІА Новости.

Паводле яго слоў, на гэты час амаль 500 відаў малочнай прадукцыі з Беларусі, якая пастаўляецца ў Расію, не маюць аформленых па новых правілах дакументаў.
«Гэтая акалічнасць змушае нас адэкватным чынам адрэагаваць. Сёння я падпісаў адпаведны ліст на адрас Федэральнай мытнай службы, што азначае, што доступ гэтай прадукцыі на ўсю тэрыторыю Расіі спынены», — заявіў Анішчанка.

Варта нагадаць, што менавіта Рассельгаснагляд быў у свой час інструментам увядзення фактычна палітычных санкцый супраць Грузіі. Малдовы і Ўкраіны.

Тэма паставак малочнай прадукцыі абмяркоўвалася 5 чэрвеня ў Белгародскай вобласці на сустрэчы прэм'ер-міністра Уладзіміра Пуціна з губернатарамі цэнтральных абласцей Расіі і прадстаўнікамі сельгаспрадпрыемстваў.

Пуцін заявіў пра неабходнасць фарміравання адзіных умоў давання датацый сельгасвытворцам Расіі і Беларусі. У прыватнасці, зазначыў ён, датацыі, якія Беларусь дае сваім вытворцам цэльнага малака, дасягаюць 24%, у той час як у Расіі гэтыя датацыі складаюць толькі 3%.

У сваю чаргу, губернатар Белгародскай вобласці Яўген Саўчанка паведаміў, што імпарт цэльнага малака з Беларусі ў Расію складае 2 млн. тон за год. «Беларусь сёння знішчае нашу малочную галіну. Можа быць, гэта робіцца мэтанакіравана», — выказаў меркаванне губернатар.

Пуцін пагадзіўся з гэтым часткова: «Гэта, вядома, робіцца не мэтанакіравана». «Я пра гэта [датацыі] Аляксандру Рыгоравічу сказаў. Ён чалавек арыгінальны, адказ у яго быў такі: «Няхай вашы не пішчаць, няхай зніжаюць выдаткі», — сказаў прэм'ер-міністр.

Расію раздражняе, што Беларусь падтрымлівае ўласных сельгасвытворцаў на атрыманыя ў Расіі ж датацыі. Між тым фінансавы стан самой Расіі падкасіла падзенне цэнаў на нафту. Аднак за ўведзенымі «малочнымі санкцыямі» праглядаюцца і палітычныя матывы.
Пры Лукашэнку ажыццявілася татальная русіфікацыя Беларусі, цяпер Масква жадае паглынуць краіну яшчэ і эканамічна, аднак у гэтым сутыкнулася з процідзеяннем гаспадарнікаў і адміністрацыйнага апарату Беларусі.

5 чэрвеня ў Пецярбурзе віцэ-прэм'ер Расіі Аляксей Кудрын абвесціў, што Масква лічыць «немэтазгоднымі» перамовы пра наданне Беларусі пазыкі на 100 мільярдаў расійскіх рублёў. Адначасова ён паведаміў, што не адракаецца перамоваў аб выдзяленні раней паабяцанага крэдыту на 500 млн даляраў.

Галоўная санітарная доктарка Беларусі Валянціна Качан абвесціла, што ў аўторак, разам з прадстаўнікамі Мінсельгасхарчу Беларусі, выправіцца ў Маскву для перамоваў з Генадзем Анішчанкам. Між тым няўзброеным вокам відаць, што на гэты раз справа ў палітыцы, а не ў бактэрыях.

Каментары56

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць