Свет

Расія выціскае Францыю з яшчэ адной багатай рэсурсамі афрыканскай краіны

Масква цясніць Парыж там, дзе Францыя дамінавала паўтара стагоддзі — у былых калоніях.

Яўген Прыгожын, кіраўнік прыватнай вайсковай кампаніі Вагнера. Фота AP

Масква вяртаецца ў Афрыку пасля некалькіх дзесяцігоддзяў свайго аслаблення. Яна спрабуе замацавацца ў Лівіі, Цэнтральна-Афрыканскай Рэспубліцы, Гвінеі, Судане, Бурундзі, Мадагаскары, а цяпер прыйшла чарга Малі. Чатыры з гэтых краін — былыя французскія калоніі.

Нічога новага: Расія робіць стаўку на дыктатарскія рэжымы. У прынцыпе, раней у краінах Трэцяга свету так дзейнічалі ўсе супердзяржавы. У апошнія дзесяцігоддзі стратэгія Захаду памянялася. Як ЗША, так і Еўрасаюз прыкладалі вялікія высілкі для ўмацавання дэмакратыі і грамадзянскіх супольнасцей.

Крыніцы паведамілі Reuters, што расійская прыватная вайсковая кампанія Вагнера — Wagner Group — і вайсковая хунта Малі ўклалі пагадненне, згодна з якім расійскія найміты будуць навучаць малійскіх вайскоўцаў і забяспечваць абарону высокапастаўленых чыноўнікаў.

Як паведамляецца, у краіне могуць быць размешчаныя нават больш за 1000 байцоў Вагнера. Чатыры крыніцы паведамілі, што Wagner Group будзе атрымліваць каля 6 млрд заходнеафрыканскіх франкаў (11 млн даляраў) на месяц за свае паслугі.

Малі — 19-мільённая краіна ў цэнтры Заходняй Афрыкі. На поўначы — Сахара, з гістарычным горадам Тымбукту. На поўдні — саванна. Нетры Малі багатыя на золата. У 2013 годзе краіна перажыла наступ ісламістаў. Ад падзення яе ўратавала толькі антытэрарыстычная аперацыя кааліцыі краін на чале з Францыяй.

Вайсковы пераварот у Малі адбыўся ў маі 2021 года. 

Міністр абароны Францыі Фларанс Парлі заявіла, што яна «вельмі занепакоеная» пагадненнем малійскай хунты з Масквой.

Парыж спрабуе сарваць пагадненне. Аднак ці скончацца яго намаганні поспехам? Раней Маскве ўдалося паспяхова замацавацца ў іншай беднай краіне, што дзесяцігоддзямі ўваходзіла ў сферу ўплыву Францыі — Цэнтральна-Афрыканскай Рэспубліцы.

Нагадаем, што там, у прыватнасці, забілі групу журналістаў-расследавальнікаў, якая збірала інфармацыю пра групу Вагнера.

Чытай таксама: «Давай, пазванкі яму ламай!» Расійскія найміты знялі на відэа, як забілі сірыйскага дэзерціра 

У Лівіі расійскія найміты спрабавалі захапіць сталіцу краіны Трыпалі. Іх наступ удалося стрымаць Турцыі, якая размясціла там свае найноўшыя ўдарныя беспілотнікі «Байрактар».

Вагнераўцы працуюць таксама ў Сірыі, Судане і Бурундзі.

Прыватная вайсковая кампанія Вагнера, вядомая пад сваёй расійскай абрэвіятурай «ЧВК Вагнера», фармальна лічыцца прыватнай, але ў рэальнасці ёсць дадатковым гнуткім інструментам вядзення расійскай замежнай палітыкі. У прыватнасці, яе байцы ўдзельнічалі ў канфлікце на Данбасе.

Як выявіла расследаванне, ЧВК Вагнера цесна звязаная з расійскім Міністэрствам абароны і ГРУ.

У Беларусі вагнераўцы трапілі ў фокус увагі пасля затрымання групы верагодна звязаных з гэтай ЧВК байцоў напярэдадні выбараў 2020 года. Дагэтуль няясна, ці была гэта сарваная аперацыя ўкраінскіх сілавікоў або супольная аперацыя некалькіх спецслужбаў з дваістымі мэтамі.

У Афрыцы расійскія поспехі пакуль невялікія. У адрозненне ад Кітая, Расія пакуль няшмат можа прапанаваць афрыканскім краінам, акрамя зброі і наймітаў.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць