Улада11

Бізнес-супольнасць патрабуе адмены пастановы Саўміна № 991

Гаворка пра пастанову «Аб некаторых пытаннях набыцця тавараў на тэрыторыі Рэспублікі Беларусь», якая набыла моц 2 жніўня.

Бізнес-супольнасць будзе дабівацца адмены пастановы Саўміна № 991 ад 28 ліпеня 2009 года «Аб некаторых пытаннях набыцця тавараў на тэрыторыі Рэспублікі Беларусь», якая набыла моц 2 жніўня. Такое рашэнне было прынята 3 жніўня ў Мінску на экстраннай нарадзе з удзелам прадстаўнікоў айчыннага бізнесу.

У панядзелак увечары на імя прэм'ер-міністра Беларусі Сяргея Сідорскага Рэспубліканская канфедэрацыя прадпрымальніцтва і іншыя бізнес-аб'яднанні плануюць накіраваць сумесны ліст з патрабаваннем адмяніць пастанову.

Згодна з ацэнкамі прадстаўнікоў бізнесу, якія выступалі на пасяджэнні, дакумент у цяперашнім выглядзе нанясе ўрон эканоміцы. Ён пацягне банкруцтва большасці аптовых кампаній, прадстаўніцтваў замежных прадпрыемстваў, прывядзе да зыходу з Беларусі замежных інвестараў. Акрамя таго, пастанова справакуе рост карупцыі сярод дзяржорганаў, якім дадзены паўнамоцтвы на вызначэнне афіцыйных гандлёвых прадстаўнікоў.

«Такі дакумент не мае права на жыццё. Трэба неадкладна прыпыніць яго дзеянне і разбірацца, з якой мэтай ён уводзіцца і што трэба, каб гэтую мэту дасягнуць»,
— адзначыў старшыня Рэспубліканскай канфедэрацыі прадпрымальніцтва Віктар Маргелаў.

Паводле яго слоў, бізнес-супольнасць гатова дапамагчы ўраду ва ўсіх канструктыўных пачынаннях, у тым ліку па пытанні зніжэння адмоўнага сальда знешняга гандлю, папаўнення бюджэту. «Аднак абмяркоўваць пытанні, як разваліць эканоміку, а менавіта гэта прапануе пастанова № 991, мы не будзем», — адзначыў Маргелаў. Пры гэтым кіраўнік РКП лічыць неабходным ставіць таксама пытанне «аб дзяржаўнай здрадзе з мэтай развалу эканомікі», і ўсе прыкметы, на яго думку, для гэтага ёсць.

Старшыня Беларускага саюза прадпрымальнікаў Аляксандр Калінін мяркуе, што неабходна запатрабаваць ад распрацоўшчыкаў тэрміновага каментару з растлумачэннем іх пазіцыі. Ён выказаў надзею, што дакумент з'яўляецца «тэхнічнай памылкай». «Спадзяюся, там маецца на ўвазе не тое, што тут напісана, таму што забараніць інстытут пасрэдніцтва немагчыма. Гэта заб'е не толькі аптавікоў, але і ўдарыць па рознічным гандлі», — адзначыў кіраўнік БСП.

Калінін таксама падкрэсліў, што на апошніх нарадах ва ўрадзе з удзелам першага віцэ-прэм'ера Уладзіміра Сямашкі абмяркоўваліся меры прама супрацьлеглыя:

«Мы звярталі ўвагу на тое, што інстытут пасрэдніцтва, які многія гады ў нас згортвалі, трэба, наадварот, аднаўляць, што дазволіла б стымуляваць экспарт беларускай прадукцыі».

Старшыня ГА «Мінскі сталічны саюз прадпрымальнікаў і работадаўцаў» Уладзімір Карагін паведаміў, што на працягу панядзелка ва ўрадзе пры ўдзеле прэм'ера Сідорскага праходзілі нарады па пытанні прымянення пастановы № 991 і ў найбліжэйшы час будуць падрыхтаваны яе растлумачэнні.

Спасылаючыся на тэлефонную гутарку з намеснікам міністра эканомікі Андрэем Турам, Карагін адзначыў, што пастанова не распаўсюджваецца на экспарт беларускіх тавараў, не тычыцца індывідуальных прадпрымальнікаў і фізічных асоб (рамеснікаў і тых, хто займаецца агратурызмам).
«Што датычыцца дзеяння пастановы, то, паводле слоў Андрэя Тура, на дагаворы, падпісаныя да 2 жніўня, дзеянне дакумента не распаўсюджваецца», — падкрэсліў Карагін.

Ён таксама паведаміў, што Міністэрства эканомікі, як вынікае са слоў Тура, не з'яўляецца распрацоўшчыкам пастановы № 991, аднак будзе займацца растлумачэннем яго дзеяння.

Дакумент выключае пасрэднікаў з працэсу рэалізацыі юрыдычным асобам айчынных і імпартных тавараў на тэрыторыі Беларусі. Юрасобы цяпер павінны набываць тавары (за кошт уласных, пазыковых сродкаў і сродкаў бюджэту) толькі ў тых пастаўшчыкоў, якія з'яўляюцца вытворцамі, або іх афіцыйных гандлёвых прадстаўнікоў.

Пералікі афіцыйных гандлёвых прадстаўнікоў, у якіх юрасобы змогуць закупляць тавары, будуць зацвярджацца рэспубліканскімі і мясцовымі органамі дзяржкіравання па ўзгадненні з віцэ-прэм'ерамі, якія курыруюць адпаведныя сферы эканомікі. Для ўключэння ў пералік афіцыйных гандлёвых прадстаўнікоў неабходна прадставіць эканамічнае абгрунтаванне набыцця тавараў у пастаўшчыка.

Каментары1

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць