Улада

УНС зможа адмяніць рашэнне любога дзяржаўнага органа, акрамя суда

УНС плануюць надзяліць правам адмены любога рашэння дзяржаўнага органа і прававога акта. Выключэнне — судовае рашэнне. Пра гэта заявіла суддзя Канстытуцыйнага суда Вольга Сяргеева на нарадзе з Лукашэнкам. Рашэнні прэзідэнта выключэннямі, як вынікае, не будуць.

На нарадзе 18 студзеня былі разгледжаныя пытанні дапрацоўкі праекта абноўленай Канстытуцыі, «з улікам прапаноў, што паступілі ў ходзе ўсенароднага абмеркавання», піша БЕЛТА.

Лукашэнка спытаў у распрацоўчшыкаў, ці выклікаюць тыя ці іншыя палажэнні праекта асцярогі.

«Помніце, мы казалі, што мы ні ў якім разе, робячы канстытуцыйным УНС, не павінны дапусціць двоеўладдзя. Што прэзідэнцкая рэспубліка, прэзідэнт — галоўнакамандуючы, ніякія сілавыя структуры нікому не павінны быць падпарадкаваныя, акрамя галоўнакамандуючага. Памятайце, мы пра гэта казалі. Мы не дапусцілі тут перакосаў?» — паставіў пытанне Лукашэнка.

Суддзя Канстытуцыйнага суда Вольга Сяргеева запэўніла, што, на яе думку, такога перакосу няма, усё збалансавана, і прэзідэнт па-ранейшаму будзе кіраўніком дзяржавы.

«Мы не змянялі важнейшыя функцыі прэзідэнта, канстытуцыйныя функцыі. Больш за тое, прэзідэнт з'яўляецца дэлегатам УНС, прымае ўдзел у рабоце УНС», — адказала суддзя.

Лукашэнка таксама спытаў, ці дастаткова моцныя нормы Канстытуцыі для процівагі, стрымлівання структур, органаў улады, каб сістэму і дзяржаву не ўдалося разваліць.

«Проста сказаць, што дастаткова ва УНС паўнамоцтваў, каб захаваць стабільнасць у грамадстве, грамадскую згоду, — гэтага мала. Паўнамоцтвы ва УНС вельмі істотныя: гэта і вызначэнне стратэгічных напрамкаў развіцця, і зацвярджэнне дактрыны аб нацыянальнай бяспецы, і прызначэнне суддзяў Вярхоўнага, Канстытуцыйнага судоў», — адказала Вольга Сяргеева.

Яна таксама адзначыла, што УНС плануецца надзяліць правам адмены любога рашэння дзяржаўнага органа і прававога акта. «Мы вырашылі, што гэтая норма павінна быць, таму што УНС — гэта вышэйшы прадстаўнічы орган народаўладдзя. Але пакінулі за рамкамі паўнамоцтваў УНС рашэнні судовых органаў. Інакш быў бы хаос», — удакладніла суддзя.

Рашэнні прэзідэнта Сяргеева не назвала выключэннем з правілаў. То-бок УНС, якое, магчыма, узначаліць Лукашэнка, зможа адмяняць рашэнні прэзідэнта. 

Лукашэнка пра магчымае старшынства ва УНС: Вы павінны мяне папрасіць на каленях і падзякаваць, калі я пагаджуся

Лукашэнка хоча ўзначаліць Усебеларускі народны сход і перадаць УНС важнейшыя паўнамоцтвы

Лукашэнка пра прыняцце новай Канстытуцыі: Калі ўжо шчыра, то мне гэты працэс абсалютна не патрэбны

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць