Грамадства

«Мы ‒ няшчасныя людзі». Дольшчыкі мінскай доўгабудоўлі запісалі відэазварот да Лукашэнкі

Жыхары дома на вуліцы Купрэвіча, 16 напісалі відэазварот да Лукашэнкі. Іх дом не могуць здаць у эксплуатацыю больш за два гады — ён моцна прасеў і нахіліўся.

Дом па вуліцы Купрэвіча, 16 знаходзіцца праз дарогу ад Музея валуноў. У ім 235 кватэр, ён складаецца з трох секцый па 16 паверхаў, піша realt.by.

На першым паверсе планаваліся крамы і офісы. Каля дома ўзвялі 4-узроўневы паркінг на 191 машынамесца. Заказчык і падрадчык будаўніцтва ‒ Мінскі домабудаўнічы камбінат.

Побач ‒ школа, дзіцячы садок, возера ‒ «карцінка, дзе мы хацелі б жыць», ‒ кажа адна з сямей. Але дом не здаюць, бо ён моцна сеў і нахіліўся. Першы раз тэрмін здачы перанеслі ў пачатку 2020 года.

‒ Я будуюся ў першай секцыі, і наша сітуацыя самая сумная з усяго дома, ‒ распавядае на відэа мужчына. ‒ Па чутках секцыя села на 18 см, што, у сваю чаргу, можа прывезці да абвальвання дома. Ці бяспечна там жыць, мы не ведаем. Нават, калі дом здадуць, слава ў яго ўжо такая, што прадаць кватэру будзе немагчыма.

Людзі скардзяцца на тое, што ім не даюць ніякую інфармацыю, «усё даводзіцца дзесьці самім шукаць».

‒ Мы нічога не ведаем. Ад нас інфармацыю хаваюць ці, можа, яны самі нічога не ведаюць, ‒ распавядае жанчына. ‒ Скасаваць дамову нявыгадна: мы страцім грошы. Нягледзячы на тое, што ў дамове прапісана, што мы плацім па курсе і вярнуць грошы нам таксама абавязаны па курсе, забудоўшчык выплачвае па стаўцы рэфінансавання, ды і яшчэ з вялікімі растэрміноўкамі. За гэты час курс вырас моцна і нашы страты вялізныя. Мы эканомілі на нашых дзецях. Чаму яны павінны пакутаваць з нечых памылак?

Дольшчыкі стаміліся чакаць. Тэрмін будаўніцтва ўвесь час працягваюць, некаторыя чакаюць дом чатыры гады. Яны просяць Лукашэнку ўзяць будаўніцтва пад кантроль. І альбо здаць дом, альбо атрымаць грошы.

Відэазварот ‒ даволі распаўсюджаны жанр. Але такі відэазварот да Лукашэнкі сёння з-за палітычнай сітуацыі ў краіне выглядае нечаканым. На застаўцы дольшчыкі напісалі «Відэазварот дольшчыкаў жылога дома па вул. Купрэвіча, 16 (г. Мінск) да прэзідэнта Рэспублікі Беларусь Аляксандра Рыгоравіча Лукашэнкі».

«Лепшае, што ты можаш зрабіць у Беларусі, — гэта з'ехаць з яе». Ціманоўская пра крындж у тыктоку, бізнэс і «распакоўку асобы»

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць