Свет

Расійскі мільярдэр Алег Цінькоў зноў публічна выступіў супраць вайны

Расійскі мільярдэр Алег Цінькоў, багацце якога ацэньвалася часопісам Forbes у 2021 годзе ў 4,7 мільярда даляраў, зноў выступіў супраць вайны ва Украіне. У сваім Instagram ён напісаў, што не ведае ні аднаго чалавека, які атрымліваў бы ад яе выгаду, і назваў яе вар'яцкай.

«Гінуць невінаватыя людзі і салдаты, — напісаў Цінькоў. — Генералы, прачнуўшыся з пахмелля, зразумелі, што ў іх гаўно-армія. … Крамлёўскія чыноўнікі ў шоку, што не толькі яны, але і іх дзеці цяпер летам не паедуць на Міжземнае мора. Бізнэсмены спрабуюць ратаваць рэшткі маёмасці».

Па словах Цінькова, Расія загразла ў непатызме, халуйстве і чынашанаванні. «А адкуль армія будзе добрая, калі ўсё астатняе ў краіне гаўно?», — напісаў ён.

На ягоную думку, 90 працэнтаў насельніцтва краіны супраць вайны, а літару Z у яе падтрымку «малююць толькі дэбілы».

Ён заклікаў «калектыўны Захад» даць прэзідэнту Расеі Уладзіміру Пуціну «зразумелы выхад з сітуацыі», які дазволіў бы палітыку «захаваць свой твар» і спыніць масавае забойства. «Калі ласка, будзьце больш рацыянальнымі і гуманнымі», — напісаў бізнэсовец.

Цінькоў стаў адным з найбагацейшых людзей Расіі пасля вываду на біржу заснаванага ім Тинькофф Банка, які стаў адной з найбуйнейшых расійскіх крэдытных арганізацый.

Па падліках Forbes, пасля пачатку вайны з Украінай ён збяднеў у пяць разоў і па стане на сакавік перастаў быць мільярдэрам. А ў канцы сакавіка трапіў у санкцыйны спіс Вялікабрытаніі.

28 лютага бізнэсмэн ужо выказваўся супраць вайны.

«Цяпер у Украіне гінуць нявінныя людзі кожны дзень. Гэта немагчыма і недапушчальна! Дзяржавы павінны марнаваць грошы на лячэнне людзей, на даследаванні перамогі над ракам, а не на вайну. Мы супраць гэтай вайны!» — напісаў ён тады. 

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

Сяргей Ціханоўскі абурыўся беларускай мовай Святланы Ціханоўскай98

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць