Грамадства

Лукашэнка падпісаў расстрэльныя папраўкі за «замах на тэрарызм». Інтэрпрэтацыя таго, што такое «тэрарызм», вельмі шырокая

Аляксандр Лукашэнка падпісаў праект закона, які ўносіць змены ў Крымінальны кодэкс Беларусі. Цяпер за замах на ўчыненне актаў тэрарызму можа пагражаць выключная мера пакарання — расстрэл. У той жа час інтэрпрэтацыя таго, што такое тэрарызм, у рэжыму вельмі шырокая.

Аляксандр Лукашэнка і генеральны пракурор Андрэй Швед. Скрыншот з відэа

Папраўкі ў Крымінальны кодэкс уступаюць у сілу праз 10 дзён пасля афіцыйнага апублікавання, гэта значыць, з 29 мая, паведамляе Zerkalo.io.

У новай рэдакцыі Крымінальнага кодэкса пашырылі прымяненне смяротнага пакарання (арт. 59 «Смяротнае пакаранне»)

«У якасці выключнай меры пакарання дапускаецца прымяненне смяротнага пакарання — расстрэлу (да адмены смяротнага пакарання) за злачынствы, прадугледжаныя:

частка 2 артыкула 124 (Акт тэрарызму ў дачыненні да прадстаўніка замежнай дзяржавы або міжнароднай арганізацыі);

Частка 3 артыкула 126 (Акт міжнароднага тэрарызму);

частка 3 артыкула 289 (Акт тэрарызму, учынены арганізаванай групай, альбо з прымяненнем аб'ектаў выкарыстання атамнай энергіі, альбо з выкарыстаннем радыеактыўных рэчываў альбо ядзерных матэрыялаў, моцнадзейных, таксічных хімічных ці біялагічных рэчываў або спалучаныя з забойствам чалавека);

частка 2 артыкула 359 (Забойства дзяржаўнага або грамадскага дзеяча, учыненае ў сувязі з яго дзяржаўнай ці грамадскай дзейнасцю ў мэтах аказання ўздзеяння на прыняцце рашэнняў органамі ўлады)».

Акрамя таго, у новай рэдакцыі Кодэкса паказана, што смяротнае пакаранне прызначаецца «за асабліва цяжкія злачынствы, спалучаныя з наўмысным пазбаўленнем жыцця чалавека пры абцяжарваючых абставінах, некаторыя іншыя асабліва цяжкія злачынствы».

Змяняецца і арт. 67 КК Беларусі («прызначэнне пакарання за няскончанае злачынства»).

Раней смяротнае пакаранне не магло быць прызначанае за падрыхтоўку да злачынства і замах на злачынства. Цяпер у гэты пункт унесеныя выключэнні, дадаліся да яго злачынствы, санкцыя якіх ужо прадугледжвае смяротнае пакаранне ў адпаведнасці з дзейным КК: ч. 2 арт. 124, ч. 3 арт. 126, ч. 3 арт. 289 і ч. 2 арт. 359.

Законапраект з «расстрэльнымі» папраўкамі за «замах на тэрарызм» на разгляд у парламент унесла член Пастаяннай камісіі Палаты прадстаўнікоў па нацыянальнай бяспецы Марына Лянчэўская. 27 красавіка дэпутаты Палаты прадстаўнікоў прынялі законапраект аб зменах у Крымінальны кодэкс у двух чытаннях. 4 мая яго аднагалосна ўхвалілі ў Савеце Рэспублікі.

Інтэрпрэтацыя таго, што такое тэрарызм, у рэжыму вельмі шырокая. Так, у спіс тэрарыстаў унесеныя лідары палітычнай апазіцыі Святлана Ціханоўская і Павел Латушка, блогер Антон Матолька і афіцэры сілавых структур, якія падтрымалі рух за свабодныя выбары.

Каментары

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць