Меркаванні

Кісінджэр: Украіна мусіць стаць нейтральнай дзяржавай і адмовіцца ад часткі тэрыторый

Генры Кісінджэр, адзін з найбольш уплывовых палітолагаў свету і стваральнік так званага «рэалістычнага кірунку» ў замежнай палітыцы ЗША, паказаў сваё бачанне будучыні Украіны. І гэта дакладна не тое, чаго хацелі б украінцы.

Генры Кісінджэр. Крыніца: Gerald R. Ford School of Public Policy

Былы дзяржсакратар ЗША заклікаў Захад спыніць спробы нанесці поўнае паражэнне расійскім сілам ва Украіне. Генры Кісінджэр папярэдзіў, што ў доўгатэрміновай перспектыве гэта будзе мець катастрафічныя наступствы для стабільнасці Еўропы.

Ён таксама выказаў меркаванне, што Украіна павінна быць гатовая аддаць частку тэрыторыі на карысць Расіі.

Па меркаванні палітолага, «для Захаду было б фатальным, калі б ён паддаўся настрою моманту і забыўся аб правільным месцы Расіі ў еўрапейскім раскладзе сіл». Таксама ён заклікае Украіну суцішыць вайсковыя амбіцыі і пайсці на кампраміс з Расіяй.

— Перамовы павінны пачацца ў найбліжэйшыя два месяцы, перш чым яны прывядуць да катастроф і напружанасці, якія немагчыма лёгка пераадолець, кажа ён.

Замежныя СМІ лічаць, што Кісінджэр такім чынам заклікаў Украіну пайсці на тэрытарыяльныя саступкі на карысць Расіі.

Кісінджэр сказаў, што Расія была неад'емнай часткай Еўропы на працягу чатырох стагоддзяў і забяспечвала еўрапейскі баланс сіл у крытычныя моманты. Еўрапейскія лідары павінны глядзець на доўгатэрміновую перспектыву і не рызыкаваць падштурхнуць Расію да пастаяннага саюза з Кітаем.

— Спадзяюся, украінцы спалучаць гераізм, які яны праявілі, з мудрасцю.

Таксама ён заявіў, што роля для Украіны — гэта быць нейтральнай буфернай дзяржавай, а не францірам Еўропы.

Каментарый Кісінджэра з'явіўся на фоне ўсё больш выразных сігналаў, што заходняя антыпуцінская кааліцыя аслабляецца ў выніку росту цэн на прадукты і энерганосьбіты, а магчымыя санкцыі супраць Расіі вычарпаныя, піша «The Telegraph».

Генры Кісінджэр — адзін з самых уплывовых мысліцеляў ХХ стагоддзя. Ён фармаваў замежную палітыку ЗША з 1969 па 1976 гады, быў дзяржаўным сакратаром і дарадцам па нацыянальнай бяспецы пры прэзідэнтах Рычардзе Ніксане і Джэральдзе Фордзе. Узнагароджаны Нобелеўскай прэміяй міру. У пятніцу яму споўніцца 99 гадоў.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны52

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць