Грамадства

Што з грашыма, якія Мінсктранс патрабуе з пратэстоўцаў за перакрыццё руху? Гендырэктар даў лаканічны адказ

Мінсктранс выстаўляе пратэстоўцам шалёныя сумы штрафаў за выхад на дарогу падчас маршаў. На што прадпрыемства збіраецца патраціць сабраныя грошы і якую суму яны ўжо атрымалі?

Чытачка «Нашай Нівы» даслала электронны зварот у Мінсктранс з гэтымі пытаннямі. Адказ прыйшоў за подпісам генеральнага дырэктара прадпрыемства Алега Дзюбенкі. 

«Грашовыя сродкі, спагнаныя судовымі пастановамі па ісках пракурора ў інтарэсах прадпрыемства, пакрываюць страты, нанесеныя прадпрыемству ў сувязі з прастоем грамадскага транспарту з прычыны несанкцыянаваных масавых мерапрыемстваў», — суха певедамілі ў адказе.

Пытанне пра суму, якую прадпрыемства ўжо спагнала з пратэстоўцаў, Мінсктранс абышоў, адказаўшы, што запытаная інфармацыя не даецца на падставе артыкулаў 6, 17 закона «Аб інфармацыі, інфарматызацыі і абароне інфармацыі», а таксама норм закона «Аб абароне персанальных даных». 

«Яна не з'яўляецца агульнадаступнай і закранае правы і законныя інтарэсы трэціх асоб», — даводзіцца ў адказе.

Пра асобныя кейсы паведамляла «Вясна». Так, напрыклад, для барабаншчыка Аляксея Санчука «Мінсктранс» ацаніў шкоду ў 161 900 рублёў. Мужчыну асудзілі да 6 гадоў калоніі. Яго абвінавачвалі па артыкулах 342 (арганізацыя дзеянняў, якія груба парушаюць грамадскі парадак, або актыўны ўдзел у іх) і 293 (масавыя беспарадкі).

Уладзіславу Фёдараву прадпрыемства выставіла рахунак звыш 157 тысяч рублёў. Яго асудзілі да двух гадоў калоніі па артыкулах 342 і 328 (незаконнае абарачэнне наркатычных сродкаў).

Палітвязню Аляксею Муравіцкаму — суму ў 71 255 рублёў. Яго асудзілі да года калоніі, здзейсненае ім кваліфікавалі па артыкуле 342.

Дзмітрыю Кубараву выставілі пазоў у памеры 45 тысяч рублёў. Мужчыну асудзілі да сямі гадоў калоніі па артыкуле 293.

Чытайце таксама: 

У мінскім метро ў гонар «Года гістарычнай памяці» з’явіліся брэндаваныя вагоны

Шэсць беларускіх суддзяў звольніліся па ўласным жаданні

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць