Вайна

«Палонныя прасіліся, каб іх не білі, не стралялі». Каліновец расказаў дэталі аперацыі па захопе плацдарма пад Херсонам

Баец палка Каліноўскага Яўген «Аўгуст» Міхасюк расказаў «Радыё Свабода», што беларусы-добраахвотнікі ўдзельнічалі ў складанай наступальнай аперацыі па выхадзе на левы бераг ракі Інгулец.

Добраахвотнік Яўген Міхасюк вядомы па сваім пазыўным «Аўгуст»

«Нядаўна група беларусаў была на заданні ў раёне Мікалаеўскай і Херсонскай абласцей, — кажа Міхасюк.

— Прыехалі ў населены пункт, арганізавалі базу, каб туды магла прыбыць вялікая колькасць нашых байцоў, і адтуль пачынаўся наступ на расійскія пазіцыі. Калі рыхтавалі пункт — былі пад абстрэламі. Але гэта не настолькі страшна, як можа здавацца. У адну з начэй у вёску спрабавала зайсці ці выведка расіян, ці дыверсійная група, каб стварыць перашкоды для нашых ці сабраць больш інфармацыі пра нас. Тады ў нас быў непасрэдны «кантакт» з імі. Пасля Узброеныя сілы Украіны захапілі частку берага ракі і прасунуліся наперад на дзевяць кіламетраў. Беларускія падраздзяленні былі часткай гэтай вялікай аперацыі. У нас быў няпросты шлях — праз поле, праз раку, лес захапіць населены пункт. Па нас стралялі і танкі, і самаходныя ўстаноўкі, і артылерыя, мы ішлі па замінаваных участках. Мы свае задачы выканалі, хоць аперацыя была рызыкоўная. Яшчэ і прыхапілі трох расіян у палон», — расказвае беларус.

Яўген расапавядае, што беларусы страцілі трох чалавек параненымі. Адзін чалавек быў паранены аскепкам, яшчэ адзін наступіў на міну, і яшчэ адзін быў кантужаны.

«Гэта поспех у такой складанай аперацыі. Украінцы, якія дзейнічалі побач з намі, на жаль, мелі і страты, і цяжка параненых, мы дапамагалі з іх эвакуацыяй. Цяпер яны ў лякарнях», — кажа баец.

Аперацыя адзначылася таксама тым, што беларусы захапілі ў палон трох расіян.

«Яны паднялі рукі, выйшлі з бліндажа і здаліся. Прасіліся, каб іх не білі, не стралялі. Мы пажартавалі: «Ды расслабцеся, мы беларусы». Мне падалося, што яны не зусім зразумелі, хто мы і чаму тут, — дадае баец «Аўгуст». — Бо шаўроны ў нас былі ўкраінскія. Спрабавалі з імі размаўляць, але яны былі вельмі напружаныя».

Расійскія вайскоўцы, узятыя ў палон беларусамі.

Яўген Міхасюк адзначае, што колькасны склад палка Каліноўскага хутка расце, далучаюцца новыя людзі.

«Калі я вярнуўся [на базу], то не ўбачыў знаёмых твараў. Па-першае, людзі многія на заданнях, а другое — шмат новых далучылася», — кажа «Аўгуст».

Чытайце таксама: Што расказалі пра сябе расійскія палонныя, захопленыя каліноўцамі

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць