Грамадства6464

З-пад Лісічанска не вярнуліся шэсць беларусаў-каліноўцаў. Апошнім паведамленнем было: «На нас едзе танк. Адпрацаваў па ім»

Адбылося гэта 26 чэрвеня. Група беларусаў з палка Каліноўскага апынулася на шляху значнай калоны расійскіх войскаў і дала бой. «Накрылі ўсім, апроч ядзернай зброі. Частка беларусаў разам з «Брэстам» прыкрыла адыход іншай паловы групы, «Брэста» сур'ёзна параніла ў нагу і галаву, у гэтым баі ён знішчыў як мінімум адзін фашысцкі танк», — кажуць сведкі падзей. Да апошняга заставалася спадзяванне, што хтосьці выжыў, і было няясна, хто выжыў. Таму «Наша Ніва» доўга не публікавала гэтай інфармацыі. На сёння вядома, што частка байцоў загінула, а частка трапіла ў палон.

Іван Марчук быў тварам Палка Каліноўскага. Фота тэлеграм-канала @belwarriors

Іван «Брэст» Марчук паехаў абараняць Украіну яшчэ ў 2014 годзе. Далей служыў у французскім Замежным легіёне.

З пачаткам вайны Марчук стаў тварам беларускага злучэння імя Кастуся Каліноўскага, якое спачатку было батальёнам, а пасля разраслося да палка. Менавіта на заклік яго голасу адгукнуліся сотні беларусаў.

На пытанне, навошта ён зноў пайшоў ваяваць, «Брэст» адказваў: «А як можна не ваяваць? Гэта святая вайна — вайна за свабоду». 

Марчук лічыў, што адметнасць гэтай вайны ў тым, што «столькі грамадзянскіх уцягнуты ў гэты жах», а самы складаны бой яшчэ чакае яго наперадзе — той бой, у якім ён загіне.

Марчука ідэнтыфікавалі на фота, апублікаваным расійскім ваенкарам 30 чэрвеня. Аднак «Наша Ніва» не давала гэтай інфармацыі, пакуль не было афіцыйнага пацверджання і быў няясны лёс іншых байцоў, зніклых без вестак.

Разам з Марчуком з задання не вярнулася яшчэ пяць чалавек. Полк паведамляе, што на дадзены момант у іх дачыненні вядуцца пашуковыя дзеянні. Гэта самыя вялікія страты, разава панесеныя беларускім злучэннем на вайне супраць расійскага імперыялізму.

Усяго на гэты момант у розных злучэннях на ўкраінскім баку загінулі 7 беларускіх добраахвотнікаў. Паводле інфармацыі «Нашай Нівы», усяго ў беларускія злучэнні падалі дакументы каля 1500 беларусаў. 

5 ліпеня ў адным з расійскіх тэлеграм-каналаў з'явілася відэа з узятым у палон Янам Дзюрбейкам, пазыўны «Тромблі», з пасёлка Лясны пад Мінскам. Канал сцвярджае, што ён не адзін палонены.

«Паколькі наш баец з'яўляецца кантрактным вайсковаслужбоўцам, а не наймітам, ён афіцыйна зʼяўляецца вайсковапалонным, — гаворыцца ў паведамленні Палка Каліноўскага, размешчаным у яго тэлеграм-канале. — 

Мы прыкладаем усе магчымыя сродкі і намаганні, каб павярнуць нашых хлопцаў назад і не спынімся ані перад чым. У адпаведнасці з загадам, атрыманым нашымі ваярамі, у выпадку трапляння ў палон, каб захаваць сваё жыццё і здароўе, яны павінны казаць тое, што хоча ад іх пачуць вораг», — дадае Полк. 

Каментары64

  • Іван
    06.07.2022
    Вечная слава героям. А іх прах некалі перанясём у Пантэон нацыянальнай славы ў Беларусі.
  • BLR
    06.07.2022
    Светлая памяць загіблым
    А вось палон гэта кепска. Шакалы будуць шчыраваць
  • Wert
    06.07.2022
    Мы мусім быць вартымі сваіх герояў.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю39

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць