Грамадства

Унучка Шушкевіча: Улады не дазваляюць выкупіць на могілках месца побач з дзедавым, каб паставіць лаўку і прыходзіць да яго

Што падкасіла Станіслава Шушкевіча і як нават пасля смерці ўлады не даюць ушанаваць яго належным чынам, яго блізкія расказалі ў фільме «Ток».

Унучка Шушкевіча Стася Гліннік расказвае пра тое, што падкасіла дзеда.

«Мне падаецца, ён бы пражыў нашмат больш, але так здарылася, што некалькі год таму памёр яго стрыечны брат, а на пахаванні памерла яго сястра. За тры дні ён страціў дзвюх блізкіх асоб. І пасля гэтага яго стан пачаў пагаршацца. Ён быў вельмі прывязаны для блізкіх людзей, быў вельмі эмпатычнай асобай», — дзеліцца Стася.

Апошнім часам Шушкевіч часта трапляў у шпіталь.

«Сыходзіў ён дзесьці паўтара месяца. І я зразумела, што гэта ўжо амаль канец, калі першы раз за ўсё жыццё дзед паскардзіўся на самаадчуванне. Бо нават калі ён хварэў, заўсёды казаў, што ўсё нармальна.

Мы размаўлялі, гэта быў адзін з апошніх разоў, і ён сказаў, як ніколі ў жыцці не гаварыў: «Памятай, што я для Беларусі зрабіў ўсё, што мог». Я зразумела, што гэта было такое падсумаванне. Ён пасля гэтай размовы зноў трапіў у шпіталь, пасля яшчэ выйшаў, быў дома і там правёў апошнія дні.

Мне было дзіўна глядзець здымкі з інтэрв'ю, дзе ён схуднеў, для мяне дзед заўсёды быў дужым чалавекам. І мне падаецца, яму самому было агідна, што ён слабы, гэта выклікала ў ім унутраную спрэчку. Бо ён усё жыццё быў галоўным, справы сям'і вырашаў, справы краіны. І стан, калі ты не можаш сам рабіць, для яго быў невыносны. Ён калі ўжо не ўставаў, прасіў прынесці моркву, каб яе чысціць.

І ўжо стала зразумела, што гэта канец, калі ён запытаў, каб ксёндз прыйшоў», — згадвае ўнучка.

Многіх акадэмікаў, вядомых дзеячаў мастацтва і чыноўнікаў хавалі на Усходніх могілках. Шушкевічу месца там улады не прапанавалі. Першага кіраўніка незалежнай Беларусі пахавалі на Паўночных могілках, побач з яго маці і іншымі блізкімі. Але нават там не выдзелілі нармальнага месца.

«Месца пахавання — гэта адзінае месца каля агарожды. І цяпер яны не даюць выкупіць месца побач — мы думалі паставіць там лаўку, каб можна было прыходзіць і сядзець, — заўважае Стася Гліннік. — Гэта зменіцца — памяць пра дзеда назаўсёды, а пра Лукашэнку — не».

Глядзець цалкам:

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць