Грамадства11

На Камароўцы прадаюць незвычайны сыр, які мяняе колер

На выхадных на сталічным рынку з'явіўся сыр, які зможа здзівіць! Ён змяняе колер, а па смаку нагадвае сметанковы пудынг з лавандай, паведамляе Вlizko.by.

Прадавец Ганна яшчэ не паспела выставіць цэннікі. Убачыла, што заглядзеліся на сыр, і адразу прапануе пакаштаваць. Не адмовіліся.

Сыр мяккі, а тэкстура сметанковая. Добра адчуваюцца травы, але не засланяюць увесь смак. Ці каштавалі вы сыр з пажытнікам, напрыклад?

Тут таксама дададзеная проста ў сыр пасечаная трава. Базілік прысутнічае паўсюль, ствараючы спецыфічны травяны смак. Ён адчуваецца на зубах. Пры гэтым сыр не даўкі, а далікатны. Па смаку і кансістэнцыі нагадвае мацарэлу або сыр бры.

А фіялетавы з лавандай няма з чым параўнаць. Раней не каштавалі такое. Італьянскія травы маюць ноты, але гэта беларуская вытворчасць.

Сыр прывозіць «Бабушкіна Крынка». Ганна кажа, што год таму было чатыры розных смакі, а цяпер толькі два: «Violet» з лавандай і «Blumarin» з базілікам.

У складзе на першым месцы пастэрызаванае малако, але і Е536, Е-120, Е-132 з кансервантамі прысутнічаюць. Магчыма, дзякуючы гэтаму і адбываюцца змены.

У разрэзе бачны насычаны яркі колер і багацце траў. А калі пачакаць пару секунд, то і эфект хамелеона можна ўбачыць. Ад краёў ідзе плаўнае пацямненне, якое пасля мае далікатна-блакітны колер.

Жадаючых пакаштаваць шмат. Але тыя, хто бачаць яго ўпершыню, бяруць няшмат: за 264 грамы аддалі 4,80 рубля, а кіло каштуе 18 рублёў 20 капеек.

Ганна раіць купляць як мінімум 200 грамаў, у адваротным выпадку можна не ўбачыць, як змяняецца колер сыру.

— Калі вы купілі сёння і ўвечары чакаеце гасцей, то ўсё з ім будзе добра, але праз тыдзень хамелеон знікне (смяецца). У большасці выпадкаў эфект кароткатэрміновы, — распавядае прадавец Ганна. — Але калі возьмеце кавалачак вагой у 300 грамаў і паволі будзеце адразаць, то эфект не прымусіць сябе чакаць.

Выкарыстоўваць можна для гатоўкі любых страў. Пераважна купляюць для сырных талерак. Варта памятаць — гэта дэсертны сыр, таму добра падыходзіць для ўпрыгожвання.

Нас папярэдзілі, што далікатэс лепш нарэзаць перад самай падачай, каб госці бачылі змяненне колеру.

Ганна лічыць, што гэтая навінка можа спадабацца не толькі рэстаратарам, але і тым, хто хоча здзівіць сваіх родных.

Каментары1

  • хх
    09.09.2022
    набыла сёння. дзякуй.
    ад смаку чакала большага, але ўсё пераважыла хімія) чараўніцтва. колер мяняецца вельмі хутка пасля таго, як адрэжаш ці адкусіш. і ён вельмі насычаны

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць