Ежа1010

Рэцэпт на выхадныя. Курыца з сырам, вяндлінай і кабачкамі — хуткая і прыгожая

Гэтая курка выглядае так, нібыта вы патрацілі на яе гадзіны, але насамрэч яна робіцца дужа хутка. Яшчэ адзін плюс гэтай стравы — магчымасць выкарыстаць у ёй усе тыя кабачкі, якія ўжо невядома куды падзець.

Фота: BBC Food

Каб згатаваць курыцу з сырам, вяндлінай і кабачкамі, вам трэба:

  • 1 курыная грудка без скуры, разрэзаная ўздоўж напалову
  • 2 лусты цвёрдага сыру, тыпу галандскага ці швейцарскага, такой жа даўжыні, як і курыная грудка
  • 2 лусты вяндліны такой жа даўжыні, як і курыная грудка
  • 2 галінкі свежага размарыну такой жа даўжыні, як і курыная грудка — або трохі сушанага размарыну, калі свежага нямашака
  • трошкі мукі прысыпаць
  • 10 грамаў масла
  • 5 сталовых лыжак алею — найлепш аліўкавага, але можна і іншага
  • соль і молаты чорны перац
  • чвэрць шклянкі белага віна
  • 2 кабачкі, нарэзаныя круглікамі
  • 2 памідоры, нарэзаныя лустачкамі
  • здрабнёнае лісце з дзвюх галінак маярану (або чайная лыжка сушанага маярану)
  • 2 сталовыя лыжкі цёртага сыру — найлепш пармезану
  1. Разагрэйце духоўку да 230 градусаў.
  2. Здыміце лісце з размарыну і дробна яго нарэжце. Вазьміце голае сцябло размарыну і завастрыце яго тоўсты канец, каб атрымалася шпажка (можна замяніць зубачысткамі ці іншымі шпажкамі).
  3. Трохі адбіце кавалкі курыцы малатком для мяса або качалкай, потым прыпраўце курыцу соллю і чорным перцам, пасыпце размарынам.
  4. На кожны кавалак курыцы пакладзіце спачатку па лусце сыру, а потым па лусце вяндліны.
  5. Праткніце кураціну з сырам і вяндлінай сцяблом размарыну ці шпажкай, каб страва не развалілася. Калі вы бралі сушаны размарын, для гэтага можна выкарыстаць шпажку ці зубачыстку
  6. Каб згатаваць кабачкі, вазьміце невялікую форму для запякання і вышмаруйце яе дзвюма сталовымі лыжкамі алею.
  7. Выкладвайце ў форму па чарзе лусты кабачкоў і памідораў так, каб кожны новы кавалак гародніны крыху прыкрываў іншы. Прыпраўце соллю і перцам.
  8. Паліце зверху адной сталовай лыжкай алею, пасыпце маяранам і пармезанам.
  9. Пастаўце гародніну ў духоўку на 4—5 хвілін, пакуль сыр не пачне плавіцца і не стане залацістым.
  10. Тым часам абсыпце голую частку курыцы мукой і страсіце лішкі.
  11. Разагрэйце ў патэльні на сярэднім агні масла і 2 сталовыя лыжкі аліўкавага алею. Калі масла пачне пеніцца, пакладзіце ў патэльню курыцу. Спачатку смажце яе на сярэднім агні мякаццю ўніз прыкладна дзве хвіліны ці да залаціста-карычневага колеру, потым перавярніце курыцу і пячыце яе адну хвіліну на баку вяндліны да залацістага колеру.
  12. Зноў перавярніце курыцу і дадайце ў патэльню віно. Награвайце, пакуль віно не закіпіць, потым зменшыце агонь і гатуйце курыцу, пакуль вадкасць амаль цалкам не выпарыцца. Праверце, ці гатовая курыца, потым дастаньце яе і перакладзіце на талерку.
  13. Дадайце ў гэтую ж патэльню трохі масла і растапіце яго, каб масла змяшалася з рэшткамі віна і атрымаўся соус.
  14. Дастаньце з духоўкі кабачкі і памідоры і апырскайце іх аліўкавым алеем перад падачай на стол.
  15. Паліце курыцу соусам і адразу ж падавайце яе з запечанай гароднінай.

Рэцэпт на выхадныя. Пячэнне з шакаладам — лёгкі і смачны хатні дэсерт

Рэцэпт на выхадныя. Клефтыка — сакавітая бараніна з грэчаскім каларытам

Рэцэпт на выхадныя. Шакаладны мус з аліўкавым алеем — далікатная страва для вячэры з гасцямі

Каментары10

  • Максим Дизайнер
    01.10.2022
    В Беларуси нет нормального сыра!
  • тчк Мкс Дз р рр
    01.10.2022
    ага. таму што ўвесь нармальны беларускі сыр у Мацкве ці шчэ дзе. а рабы хай жаруць "продукт сырный из пыли подсыворотной сыворотки пошехонье"
  • Пані Поні
    01.10.2022
    Максим Дизайнер, так сыр там не белорусский, а швейцарский на сей раз. Долго думали, какой применить, асмтердамский, варшавский или рижский, сошлись на швейцарском. Курятина французская, с фермы, овощи марокканские, соль чилийская. Короче, Дизайнер, жри и не трындзи...

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць