Надвор'е

Чым больш змяняецца клімат, тым больш экстрэмальных з’яў. Чым быў адметны 2022-і для Беларусі і свету

Цікавыя факты пра незвычайныя прыродныя з'явы мінулага года ў Беларусі і свеце сабраў тэлеграм-канал «Дзікая прырода побач».

Мінулая зіма стала адной з самых цёплых за ўсю гісторыю метэаназіранняў (заняла 11-е месца).

Студзень 2022-га ўвайшоў у дваццатку самых цёплых. Але ў той жа час менавіта ў студзені ў Касцюковічах адзначаная мінімальная тэмпература паветра за мінулы год — мінус 23,8 °С.

Кліматычная вясна наступіла на поўдні Беларусі 4—15 лютага — на 2—4 тыдні раней, чым звычайна.

Сакавік 2022 года стаў самым засушлівым з 1945 года. Ападкаў выпала ўсяго 17% ад кліматычнай нормы.

А красавік, наадварот, стаў самым вільготным за гэты ж перыяд назіранняў: колькасць ападкаў перавысіла дзве месячныя нормы.

Лета стала трэцім самым цёплым летам за ўсю гісторыю метэаралагічных назіранняў з 1881 года!

У чэрвені былі зарэгістраваныя трапічныя ночы, калі мінімальная тэмпература паветра за ноч складала плюс 20 градусаў і больш. А 28 чэрвеня ў Лельчыцах адзначаны тэмпературны максімум па краіне — плюс 34,3 °С.

Мінулы жнівень стаў адным з самых цёплых за ўсю гісторыю метэаназіранняў і чацвёртым самым засушлівым з 1945 года. Ападкі склалі 37% кліматычнай нормы.

Восень увайшла ў 20 самых вільготных сезонаў з 1945 года.

Верасень стаў самым халодным за апошнія 20 гадоў. А кастрычнік — наадварот, чацвёртым самым цёплым за ўсю гісторыю метэаназіранняў.

2022 адзначыўся катаклізмамі надвор'я ва ўсім свеце.

У верасні над ледзяным шчытом Грэнландыі ўпершыню ішоў дождж, а не снег.

Траціну Пакістана затапіла, што прывяло да вялізных эканамічных страт і чалавечых ахвяр.

Рэкордныя цеплавыя хвалі назіраліся ў Кітаі, Еўропе, Паўночнай і Паўднёвай Амерыцы.

Працяглая засуха на паўвостраве Самалі пагражае гуманітарнай катастрофай.

Выглядае, што і надалей экстрэмальныя перапады тэмператур будуць усё больш частымі. А каб прыстасавацца да гэтай новай рэальнасці, трэба запавольваць змяненне клімату.

Чытайце таксама: 

У Беларусь ужо вярнуліся першыя пералётныя птушкі

Уначы беларусы назіралі незвычайную, але вельмі прыгожую астранамічную з'яву ФОТА

Вулканічная зіма на доўгія месяцы? Гэта можа нас чакаць

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць