Здароўе

Канец мамаграфіі? Выпрабоўваюць тэст на рак грудзей па поце

Новы тэст на рак грудзей, які робіцца з дапамогай аналізу поту на кончыках пальцаў, можа замяніць непрыемную мамаграфію, што выкарыстоўваецца цяпер. Магчыма, што вынаходніцтва спрацуе і з іншымі відамі раку.

Мамограф. Фота: pixabay.com

Прафесарка Сімона Франчэзэ прыйшла да высновы, што пот на пальцах можа з 98%-най дакладнасцю паведаміць нам, ці мае тая ці іншая жанчына рак грудзей. Усё ад таго, што на наяўнасць раку можа ўказваць бялок-біямаркер у поце, тлумачыць Daily Mail.

Франчэзэ 15 гадоў працавала разам з паліцыяй над зборам інфармацыі праз адбіткі пальцаў. У выніку яна адкрыла метад, што дазваляе праверыць наяўнасць раку грудзей.

Разам з прафесаркай Франчэзэ над адпаведным даследаваннем працавалі навукоўцы з брытанскага ўніверсітэта Шэфілд-Халам. Дослед з удзелам 15 жанчын паказаў, што калі проста пакінуць узоры поту на адпаведнай пласціне, можна вызначыць і наяўнасць раку, і нават яго цяжкасць. Навукоўцы прыйшлі да высновы, што з цягам часу такі тэст можа замяніць мамаграфію, але ж трэба праводзіць больш маштабныя выпрабаванні новага метаду.

Цяпер, калі праводзяць мамаграфію, малочную залозу размяшчаюць паміж дзвюх пласцін і потым праводзяць яе рэнтген. Гэтая працэдура часта прыносіць дыскамфорт, а ў некаторых людзей і ўвогуле выклікае боль. Калі ж ідэя з новым тэстам будзе паспяховай, праверыць сябе на рак можна будзе, не выходзячы з дому, і пры гэтым чалавек будзе адчуваць сябе нашмат камфортней.

Пласціну для тэсту, лічаць навукоўцы, можна будзе высылаць пацыентцы дадому. Пасля таго, як тая пакідае на ёй свае адбіткі пальцаў, пласціну апырскваюць хімічным сродкам і змяшчаюць у мас-спектрометр, дзе з дапамогай моцнага лазера ўзор поту ператвараюць у газ. Пасля гэтага навукоўцы могуць ацаніць яго склад і вызначыць наяўнасць у поце чалавека біямаркераў раку грудзей.

Таксама даследчыкі спрабуюць зразумець, ці не можа новы метад дапамагчы знаходзіць і іншыя віды раку, у тым ліку рак прастаты.

«Хвароба — душ, які змывае з цябе ўсё лішняе». Каця Пытлева і яе шчыры аповед пра рак

Гэты від раку з'яўляецца самым распаўсюджаным у свеце. Вось галоўныя міфы пра яго

Прабежкі моцна зніжаюць рызыку раку грудзей

Каментары

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць