Свет

Макрон абвясціў пра заканчэнне эпохі «французскай Афрыкі» 

Прэзідэнт Францыі, які цяпер здзяйсняе афрыканскае турнэ, зрабіў падчас выступлення ў сталіцы Габона Лібрэвілі заяву, якая можа выклікаць шмат спрэчак і дыскусій. Паводле яго, можна ўжо казаць пра заканчэнне эпохі «французскай Афрыкі».

«Гэтая эпоха французскай Афрыкі (Françafrique) даўно скончылася, але ў мяне часам узнікае адчуванне, што менталітэт спазняецца, калі я чытаю, чую, бачу, што Францыі ўсё яшчэ прыпісваюць намеры, якіх у яе няма…

Ад яе ўсё яшчэ чакаюць пазіцыі, якую яна адмаўляецца прымаць… У Габоне, як і ўсюды, Францыя з'яўляецца нейтральным суразмоўцам, які размаўляе з усімі бакамі і які не ўмешваецца ва ўнутраную палітыку», — заявіў Макрон.

Францыя да другой паловы ХХ стагоддзя валодала вялікімі калоніямі ў Заходняй і Экватарыяльнай Афрыцы. Сляды гэтага застаюцца дагэтуль, бо большасць былых калоній Францыі па-ранейшаму выкарыстоўваюць французскую мову ў якасці дзяржаўнай, а ў якасці валюты ў іх франк КФА.

Акрамя таго, у рэгіёне захоўваюць прысутнасць французскія вайскоўцы, якія ўдзельнічаюць у шэрагу аперацый. Але гэты ўплыў сапраўды ўсё больш змяншаецца. Прынамсі, Францыя 17 лютага 2022 года пачала вывад сваіх войскаў з Малі ў рамках аперацыі «Бархан».

У той жа час у Афрыцы, у тым ліку колішняй французскай, пашыраецца ўплыў Кітая, а ў некаторых краінах, як Цэнтральнаафрыканская Рэспубліка, Малі ці Буркіна-Фасо — пуцінскай Расіі, у тым ліку праз вайсковыя дзеянні «ПВК Вагнера».

Чытайце таксама:

Новы прэм’ер Малі год жыў у Мінску і дзесяць — у Маскве. Як былая французская калонія ператвараецца ў фарпост Расіі ў Афрыцы

Каментары

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка9

Мінскія ўлады ўжо абмяркоўваюць ідэю Лукашэнкі запусціць трамваі ў метро13

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць