Культура

Стала вядома, калі зноў адкрыецца Сабор Парыжскай Божай Маці

Абяцаюць, што рэканструкцыя, якая пачалася пасля пажару Нотр-Дама, будзе цалкам адпавядаць сярэднявечнаму арыгіналу.

Сабор Парыжскай Божай Маці перад пажарам у 2019 годзе. Фота: Rudy and Peter Skitterians / Pixabay

Сабор Парыжскай Божай Маці будзе адкрыты для наведвальнікаў і вернікаў ужо ў снежні 2024 года. Пра гэта паведаміла агенцтва Associated Press са спасылкай на афіцыйныя асобы Францыі.

Па словах адказнага за рэканструкцыю сабора генерала Жан-Луі Жаржлена, гэты тэрмін вызначыў асабіста прэзідэнт Францыі Эманюэль Макрон, аднак працы па аднаўленні не паспеюць скончыцца да пачатку летніх Алімпійскіх гульняў у Парыжы.

Пры гэтым ён адзначыў, што над аднаўленнем сабора працуе амаль тысяча чалавек, а знакаміты шпіль Нотр-Дама вышынёй 93 метры (які абрынуўся пры пажары) зноў заззяе ў небе французскай сталіцы.

«Самае складанае — гэта кожны дзень прытрымлівацца вызначанага плана, які мае на ўвазе аднаўленне каркаса, скляпенняў, роспісаў, камянёў, вітражоў, аргана і шмат чаго іншага, уключаючы знакаміты шпіль Нотр-Дам, чыё вяртанне ў неба Парыжа стане магутным сігналам адраджэння сабора», — сказаў Жаржлен агенцтву AP.

Таксама наконт гэтага выказаўся Філіп Жост, дырэктар аднаго з дзяржаўных агенцтваў, якія курыруюць рэканструкцыю. Ён заявіў, што адноўлены Сабор Парыжскай Божай Маці «будзе адпавядаць арыгінальнай архітэктуры, дзякуючы выкарыстанню аўтэнтычных матэрыялаў і сярэднявечных метадаў будаўніцтва».

«Пры будаўніцтве скляпенняў мы выкарыстоўваем сапраўдны камень, а не падобны да яго бетон. Каркас даху будзе зроблены з сапраўднага дубу, як гэта было спрадвеку. Наогул уся рэканструкцыя будзе зроблена так, быццам будынак створаны ў Сярэднявеччы», — адзначыў Жост.

Нагадаем, што ў красавіку 2019 года ў Саборы Парыжскай Божай Маці адбыўся пажар, з-за якога абваліліся шпіль і апорная канструкцыя будынка. Самі рэліквіі і творы мастацтва славутага касцёла пры гэтым збольшага не пацярпелі.

Магчымымі прычынамі пажару былі названы праблемы з электрычнасцю ці чалавечы фактар ​​у выглядзе непатушанай цыгарэты.

Чытайце яшчэ:

Ці пазнаеце беларускія гарады і мястэчкі па іх славутасцях? Тэст

Глядзіце, якую праваслаўную царкву збудавалі на месцы тэракта 11 верасня ў Нью-Ëрку ФОТЫ

Ці можна прадаваць царкоўныя рэліквіі? Меркаванні святара, рэлігіязнаўцы і прававыя рэаліі

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць44

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць