Грамадства11

Стала вядома, за што звольнілі мэра Брэста Рагачука і куды яго прызначаць

Аляксандр Лукашэнка сёння ўзгадніў назначэнне новага старшыні Брэсцкага гарвыканкама. Ім стане Сяргей Лабадзінскі. Папярэдняга кіраўніка горада Аляксандра Рагачука пераводзяць на прафсаюзную работу. Прычыны адстаўкі публічна абмеркавалі ў Лукашэнкі па яго ініцыятыве.

Нарада ў Лукашэнкі, 27 сакавіка. Скрын відэа

Прэс-служба Лукашэнкі апублікавала размову паміж Лукашэнкам, кіраўніком ягонай Адміністрацыі Ігарам Сергеенкам і Лабадзінскім, якога прызначылі мэрам Брэста.

Лукашэнка запытаў, у сувязі з чым Рагачук сыходзіць у адстаўку.

— Сыходзіць у сувязі з пераходам на працу на пасадзе старшыні абласной федэрацыі прафсаюзаў. Прапанова зыходзіла ад кіраўніцтва Брэсцкага аблвыканкама, з улікам працяглага вопыту работы прынята рашэнне надаць большы імпульс развіццю, — паспрабаваў згладзіць Сергеенка.

Тады Лукашэнка спытаў у Лабадзінскага:

— Сяргей Мікалаевіч, у чым праблема? Ты там унутры, прытым працаваў у аблвыканкаме. Ёсць нейкія шурпатасці, прычыны?

— Ну, праца з прадпрыемствамі … найперш таму, што эканоміка горада можа даваць больш вынікаў, таму гэта, мусіць, асноўная прычына, — адказаў Лабадзінскі.

— Гэта значыць, некаторая незадаволенасць з боку аблвыканкама працай Рагачука. Ну, дык я і кажу. Я ж павінен ведаць хаця б тваю пазіцыю. А вы гэтага не бачыце? — застаўся задаволены адказам Лабадзінскага і незадаволены адказам Сергеенкі Лукашэнка.

— Не, … мы таксама гэта бачым, — адказаў Сергеенка.

«Ну, дык у чым сапраўдная прычына? Вы ж усе яго ледзь не прэзідэнтам прапаноўвалі вылучыць на чарговых выбарах і раптам…» — неспадзявана Лукашэнка сказаў, што нехта кагосьці ў калідорах прапаноўваў на пост прэзідэнта.

— Не, ён дастаткова актыўны ў грамадска-палітычным плане, чалавек мае сваю пазіцыю, сустракаецца з насельніцтвам. Але на нейкім этапе па многіх напрамках развіцця непасрэдна горада пачала сітуацыя прабуксоўваць, і ў большай ступені на сябе задачу па кіраванні горадам бярэ аблвыканкам, — сказаў Сергеенка.

— Зразумела. Я так разумею, Сяргей Мікалаевіч, вы чалавек перспектыўны і ведаеце ўсе вузкія месцы, недахопы. І ў Брэсце гэта будзе выпраўлена. У Брэсце я павінен пабываць летам. У крайнім выпадку, увосень недзе: верасень, кастрычнік, ва ўборачную кампанію.

Нутром чую, нешта там ёсць. Так, відаць, нягледзячы на ​​ўсе станоўчыя якасці Рагачука ў плане працы з насельніцтвам, відаць, усё ж душа яго не ляжала да матэрыяльнай вытворчасці і прадпрыемстваў. Цалкам магчыма. Але не хацелася б, каб у вас там была нейкая кругавая парука, каб вы прынцыпова адзін да аднаго ставіліся.

Пакуль да Брэсцкай вобласці ўвогуле прэтэнзій вялікіх няма. Вы, можа быць, нават не горш працуеце, чым іншыя вобласці, але тым не менш, — сказаў Лукашэнка.

Аляксандр Рагачук узначальваў Брэсцкі гарвыканкам з 2014 года. Вядзе свой тэлеграм-канал.

Каментары1

  • Брест
    27.03.2023
    Позорище... Клоунада... Показуха...
    Сами друг дружку "назначают", "снимают", а КРУГОВОЙ ПОРУКИ НЕТ?! Разве такое возможно?!

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць25

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць25

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць