Свет22

Трампу выставілі абвінавачанні па чацвёртай справе. Яго абвінавачваюць у спробе перагляду вынікаў выбараў-2020

Па новай справе праходзіць яшчэ 18 чалавек.

Дональд Трамп. Фота: Charlie Neibergall / AP

Экс-прэзідэнту ЗША Дональду Трампу выстаўлены абвінавачанні ў штаце Джорджыя. Вялікае журы прысяжных палічыла, што Трамп можа быць датычны да спробы перагледзець вынікі выбараў прэзідэнта ў 2020 годзе. Гэта чацвёртая крымінальная справа, якая расследуецца ў дачыненні да 45-га прэзідэнта ЗША, піша Бі-бі-сі.

Трампу выстаўлены абвінавачанні па 11-ці пунктах, у тым ліку ў змове з мэтай падробкі, спробе схіліць службовую асобу да парушэння прысягі, а таксама ў парушэнні закона аб злачынных арганізацыях.

Акрамя Трампа, абвінавачанні выстаўленыя яшчэ 18-ці чалавекам, сярод якіх — былы кіраўнік апарата Белага дома, паплечнік Трампа Марк Медоўз, адвакат Трампа Рудольф Джуліяні, супрацоўнік Міністэрства юстыцыі Джэфры Кларк, юрыст і кансультант Трампа Джон Істман.

Трампу ўжо выстаўлены абвінавачанні па трох іншых справах — аб змове з мэтай адмяніць вынікі прэзідэнцкіх выбараў 2020 года, аб незаконным утрыманні сакрэтных дакументаў і аб фальсіфікацыі справаздачнасці для ўтойвання выплаты грошай за маўчанне.

Падставай для чарговых абвінавачанняў стаў тэлефонны званок у студзені 2021 года, падчас якога Трамп прапаноўваў дзяржсакратару-рэспубліканцу Джорджыі Брэду Рафенспергеру дапамагчы «знайсці 11 780 галасоў».

Трамп цяпер лідар сярод кандыдатаў ад Рэспубліканскай партыі на вылучэнне на наступных прэзідэнцкіх выбарах. Ён віну не прызнае.

Абвінавачанні пракурора акругі Фултан Фані Уіліс, якая на працягу двух гадоў праводзіла расследаванне, ён назваў палітычна матываванымі.

Як сказала Фані Уіліс, пракуратура прапануе правесці судовы працэс цягам наступных шасці месяцаў.

Каментары2

  • Face
    15.08.2023
    Gonna be indicted, and that sooo excited 😜
  • Анатолий
    15.05.2024
    Сейчас чего только не сделают что бы испортить репутацию конкурентам. У самого была такая проблема и повезло, что Альва Прайвеси оперативно смогли решить проблему в мою пользу.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць