Грамадства55

«Язык больш-менш «развязаўся». Беларус расказаў, як ён вучыць польскую мову ў Польшчы, сам сабе ствараючы асяроддзе

Беларускія эмігранты, якія праз спецыфіку сваёй дзейнасці маюць зносіны ў асноўным па-англійску ці па-руску, часта сутыкаюцца са складанасцямі ў вывучэнні польскай мовы. Тэлеграм-канал Dzik Pic расказаў гісторыю рэлаканта, які вывучыў польскую мову, не маючы асяроддзя для зносін.

Я пачаў вучыць польскую ў сакавіку гэтага года, з нуля. Узяў рэпетытара-ўкраінца на два разы на тыдзень, чыста для граматыкі і лексікі. Ён, вядома, заклаў базу, але асноўны прарыў пачаўся, калі я пачаў браць гутарковыя заняткі на italki з палякамі. Прычым даволі інтэнсіўна — па 4-5 гадзінных заняткаў на тыдзень.

На гутарковых занятках мы проста гутарым на падрыхтаваныя тэмы, ну і плюс прашу адзначаць мае памылкі, новыя словы і г. д. Затым дадаю сабе нататкі па кожным уроку ў тэлеграм і мне надыктоўваюць галасавыя паведамленні, каб потым праслухаць.

Цяпер налічыў 54 гадзіны заняткаў і хачу набраць 100 гадзін практыкі да пачатку снежня.

Сумарна ўжо прайшло каля сямі месяцаў вывучэння польскай мовы. Бягучым вынікам вельмі задаволены: язык больш-менш «развязаўся», на знаёмыя тэмы пагаманіць не складае праблемы.

Але такі спосаб навучання патрабуе шмат часу і фінансаў: у сярэднім занятак па мове каштуе 9-10 даляраў (хоць цяпер пачалі з'яўляцца і пачаткоўцы па 6-7 даляраў). Таму я вырашыў на працягу некалькіх месяцаў інтэнсіўна вучыць, а потым проста падтрымліваць дасягнуты ўзровень.

Так, я ўсё адно раблю даволі шмат памылак. Асабліва складана са скланеннямі па склонах назоўнікаў з прыметнікамі, а калі яны яшчэ і ў множным ліку — наогул катастрофа. Ну, і ў спражэннях дзеясловаў магу рабіць памылкі, асабліва нерэгулярных дзеясловаў.

Гэта ўсё рэч нажыўная, пакуль першачарговая задача — проста быць зразуметым і данесці сваю думку. Над выкараненнем памылак буду працаваць ужо пазней.

Цяпер суразмоўцы ацэньваюць узровень маёй гутарковай польскай паміж B1 і B2.

Яшчэ я стараюся падкасты слухаць, калі ў зале займаюся або еду кудысьці. Адзін з самых папулярных і простых для разумення — Real Polish Podcast.

З польскімі фільмамі не склалася, але перыядычна на ютубе гляджу відэа накшталт Nie wiem, ale się dowiem, стэндап, нейкія інтэрв'ю. У Spotify неяк нададаваў сабе польскіх рэп-песень, бывае, гляджу тэкст і падпяваю.

Увогуле, да англійскай магу звярнуцца, калі толькі не ведаю, як пэўнае слова будзе па-польску. Ды і мне прасцей на польскай паразумецца, таму што англійская таксама паміж B1 і B2. Яе планую падцягваць.

На жаль, на пастаяннай аснове пакуль асабліва няма з кім пабалбатаць на польскай. Раз-другі на тыдзень са знаёмымі стараюся пагаварыць або пачаціцца. Яшчэ з адным палякам пазнаёміўся ў Language Exchange Club. Гэта сустрэчы ў бары, дзе людзі ў асноўным п'юць піва і гамоняць на англійскай ці іншых мовах — ва ўсіх буйных гарадах Польшчы такая тэма ёсць.

Але каб хоць неяк падтрымліваць узровень, у кожным разе давядзецца пашырыць кола зносін.

Чытайце таксама:

«Месцы да нястрогіх прафесараў разлятаюцца як гарачыя піражкі». Выпускніцы беларускай і польскай ВНУ параўналі сваю адукацыю

«Жонка часам не разумее, чаго ад яе хоча дачка». Беларус і полька выхоўваюць дзіця адразу на дзвюх мовах

«Хачу быць карыснай і з павагай ставіцца да краіны, якая мяне прыняла». Настаўніца, якую звольнілі за жоўта-блакітную стужку, расказала пра новае жыццё ў Польшчы

Каментары5

  • Хирург
    04.10.2023
    Правiльна: польскую, ангельскую, лiтоускую - якую пажадаеш, усё добра. Але толькi не родную
  • Вероятный
    04.10.2023
    Прыгоды ўцеклай русні за мяжой. 
  • Ноўнэйм
    05.10.2023
    Калі б з такім жа запалам усе з'ехаўшыя беларусы ў апошнія 25 гадоў вывучалі родную мову, то, магчыма, і не прыйшлі б да неабходнасці з'язджаць..

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць