Грамадства22

Стала вядома, чым будзе займацца экс-міністр лесу, якога пасадзілі на сем гадоў за хабар, але неўзабаве выпусцілі

Віталь Дрожжа, які не адбыў у калоніі яшчэ і паловы тэрміна за хабарніцтва, стаў кіраўніком лесапаляўнічай гаспадаркі. Беларускі расследавальніцкі цэнтр знайшоў гэтую інфармацыю на афіцыйным сайце Нацыянальнага парку «Белавежская пушча».

Гэту інфармацыю ў самой гаспадарцы таксама пацвердзілі «Медыязоне».

Віталь Дрожжа, які з 5 красавіка 2018 года па 5 мая 2022 года займаў пасаду міністра лясной гаспадаркі, значыцца начальнікам аднаго з падраздзяленняў Нацыянальнага парку «Белавежская пушча» — лесапаляўнічай гаспадаркі «Выганаўскае». Пры гэтым у красавіку мінулага года чыноўніка затрымалі, а ў студзені гэтага — судзілі за хабар у асабліва буйным памеры. Экс-міністра прыгаварылі да 7 гадоў і 6 месяцаў калоніі ўзмоцненага рэжыму і пазбавілі права займаць кіроўныя пасады на 5 гадоў.

12 студзеня 2023 года дзяржаўныя СМІ пісалі, што да Віталя Дрожжы прымянілі амністыю — скарацілі тэрмін на адзін год. Акрамя таго, яму залічылі ў тэрмін асноўнага пакарання час, праведзены пад вартай да суда — прыкладна 270 з лішнім дзён. Дзень пад вартай лічылі як паўтара пазбаўлення волі. Гэта значыць, гэта зменшыла тэрмін яшчэ крыху больш чым на год. На момант публікацыі экс-міністру засталося б сядзець яшчэ каля 4,5 года.

Віталь Дрожжа таксама атрымаў штраф 2 000 базавых (74 тыс. рублёў). Як паведаміў журналістам дзяржабвінаваўца, асуджаны «выплаціў даход, атрыманы злачынным шляхам».

Следства казала, што чыноўнік атрымліваў хабар з кастрычніка 2020-га па красавік 2022-га ад заснавальніка і дырэктара замежнай кампаніі за ўказанне падпарадкаваным работнікам Мінлясгаса і лясгасаў купляць сушыльныя комплексы для сушкі пілапрадукцыі толькі ў растэрміноўку. На такіх умовах іх прадавала толькі згаданая вышэй кампанія. Па сцвярджэннях следства, грошы былому міністру перадавалі тройчы — па $ 10 тыс. Яшчэ адну суму — € 9,2 тыс. Дрожжа атрымаць не паспеў.

14 верасня незалежныя СМІ паведамілі, што былы чыноўнік мог выйсці на волю, не адбыўшы тэрмін поўнасцю. Прамых доказаў гэтаму не прыводзілася, аднак крыніца «Белсата» распавяла, што ў калонію, дзе адбываў пакаранне Віталь Дрожжа, прыязджала камісія па памілаванні. Пасля гэтага зняволенага адпусцілі на спатканне. Назад ён не вярнуўся.

Каментары2

  • даведка
    09.11.2023
    Лукашенко далеко не каждому жэстачайшэ позволяет отбывать наказание в экологически заповедных местах.
  • Андрусь
    09.11.2023
    І гэта не адзінкавы выпадак, калі фігуранты гучных справаў, на якіх прапаганда выбудоўвала бачнасць няшчаднае барацьбы лукашэнкі з карупцыяй, пасля таго, як пра іх падзабываліся ў грамадстве, спакойна вызваляліся і займалі кіроўныя пасады. 

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць43

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі6

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць43

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць