Спорт11

Мінскае «Дынама» стала чэмпіёнам Беларусі па футболе

Мінчане чакалі золата 19 гадоў.

Па выніках матча бабруйскай «Белшыны» і мінскага «Дынама», які прайшоў сёння ў Бабруйску, мінскае «Дынама» датэрмінова стала чэмпіёнамі краіны. Вынік гульні — 4:0 на карысць «Дынама».

Мінчанам было дастаткова згуляць з «Белшынай» унічыю, але ж гульня скончылася перамогай бела-блакітных.

Першы мяч забіў на 19-й хвіліне абаронца «Дынама» Аляксандр Сачыўка, другім у матчы адзначыўся Іван Бахар на 48-й хвіліне. Хутка пасля гэтага, на 58-й хвіліне, Аляксей Гаўрыловіч давёў лік да разгромнага — 3:0 на карысць мінчан, а на 70-й забіў дынамаўскі паўабаронца Данііл Зорын.

Такім чынам, у «Дынама» 66 ачкоў — недасягальная лічба для іх бліжэйшага пераследніка, гродненскага «Нёмана». Гэтая каманда цяпер мае 59 ачкоў. Мінулае чэмпіёнства бела-блакітных мела месца ў 2004-м.

Адзначым, што дынамаўцам даўно прадказвалі чэмпіёнства — яшчэ з восені 2021-га, калі Аляксандр Лукашэнка падчас адкрыцця стадыёна «Дынама-Юні» сказаў футбалістам: «У будучым годзе вы павінны быць чэмпіёнамі. Вы павінны ўзварухнуць увесь футбол». 

Але ў 2022-м «Дынама» стала толькі чацвёртым, з-за чаго Лукашэнка раскрытыкаваў міністра спорту Сяргея Кавальчука. Тады ў спартовых колах пайшлі размовы пра тое, што «Дынама» пажадае выканаць загад хаця б у 2023-м.

«Шахцёр» і «Энергетык-БДУ», якія год таму абышлі бела-блакітных, сёлета страцілі ачкі з-за ўдзелу ў дамоўных гульнях. Склад яшчэ аднаго канкурэнта — БАТЭ — моцна пацярпеў праз чорныя спісы ад Кавальчука, таксама клуб не атрымаў подпісу пад план развіцця клуба, які дазваляе атрымліваць грошы ад дзяржпрадпрыемстваў. Іншыя клубы вышэйшай лігі таксама адчувалі на сабе дыскрымінацыю, і ў выніку дарога да дынамаўскага чэмпіёнства была адкрытая.

«Наша Нiва» — бастыён беларушчыны

ПАДТРЫМАЦЬ

Каментары1

  • The great and legendary
    26.11.2023
    А лепшы форвард Дынама мінулага года Іван Бахар чаму быў вымушаны з'ехаць у Ізраіль на першы круг, ці не з-за чорных спісаў Кавальчука? А свае выхаванцы Ложкін і Давыскіба? Пакуль Дынама працавала і шукала іншых гульцоў на месца тых, каго лукашысты забанілі, Батэ чухалі патыліцу. Склад у іх усе роўна быў не горшы за Дынамаўскі, але ж трэнер небарака. Як папрацавалі, так і зарабілі.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць