Нерухомасць11

«Выбіраць сёння асабліва няма з чаго». Хто гатовы ўкласціся ў будоўлю маналітнага дома ад УКБ у Лошыцы-7

Учора Упраўленне капітальнага будаўніцтва Мінгарвыканкама пачало прымаць заяўкі на долевае будаўніцтва саліднага шматпавярховіка з маналіту ў Лошыцы-7.

Фота: Realt.onliner.by

Гэта яшчэ адзін аб'ект у генплане забудоўшчыка, які вырасце на былой пустцы. Працы тут ідуць поўным ходам, усяляючы надзею на паспяховы фінал: па праекце дом № 3 абяцаюць здаць у канцы наступнага года. Журналісты Onliner.by з'ездзілі па адрасе Савецкая, 17, каб даведацца, ці была бойка за кватэры ў будучым шматпавярховіку з маналіту, які з'явіцца ў Ленінскім раёне.

За паўгадзіны да адкрыцця офіса каля дзвярэй забудоўшчыка ўжо тоўпілася 15 чалавек, гатовых упісацца ў долевае будаўніцтва. Крыху пазней стала вядома, што самыя знаходлівыя былі на месцы ўжо а 5 раніцы.

У ліку першых прэтэндэнтаў на «квадраты» Наталля.

— Калі шчыра, выбіраць сёння асабліва няма з чаго. Мы даўно стаім на чарзе па паляпшэнні жыллёвых умоў, абтэлефанавалі ўсе выканкамы — варыянтаў практычна няма. Вырашылі будавацца па камерцыйным кошце за «квадрат». Доўга прыглядаліся да іншых аб'ектаў, але ўсё ж такі спыніліся на «Лошыцы».

— А вы чыталі праектную дэкларацыю УКБ?

— Калі шчыра, не вельмі. А што, там ёсць нейкія моманты? — насцярожылася Наталля.

У цэлым — не. УКБ «Мінгарвыканкама» падаў тыповую дэкларацыю па долевым будаўніцтве, якая страхуе выканаўцу па ўсіх франтах. Напрыклад, пры скасаванні дамовы дольшчык абавязаны заплаціць штраф 5 тысяч, альбо гэтыя грошы спагоняць ад агульнай сумы пры вяртанні сродкаў. Акрамя гэтага, гаспадары будучых кватэр павінны мець на ўвазе, што тэрміны здачы дома могуць зрушыцца, калі фінансавання будзе не хапаць.

— Мы маніторылі праектную дэкларацыю з чэрвеня, — падключаецца да размовы яшчэ адна Наталля, якая стаяла каля УКБ ужо а 7 раніцы. — Зразумела, кожны, хто падпісвае такую дамову, павінен ацэньваць рызыкі. Мы плануем купіць у гэтым доме «двушку», бо жывем у Лошыцы амаль 20 гадоў. У нас тут пабудаваліся сваякі, я бачыла гэтыя кватэры, у якім стане іх здаюць. Усё вельмі прыстойна. Тым больш пры мінімальных укладаннях у рамонт туды можна хутка засяліцца, у адрозненне, напрыклад, ад таго ж «Мінск-Света».

Фота: Realt.onliner.by

— А што думаеце з нагоды дома №2, у якім зацягнулі тэрміны здачы і паднялі кошт «квадрата»? 

— Слухайце, гэта не самыя страшныя праблемы, з якімі могуць сутыкнуцца дольшчыкі, — упэўнена адказвае жанчына. — Дамы УКБ мне падабаюцца, таму я гатовая пайсці на гэта. «Up to you», як той казаў.

Таццяна, яшчэ адна будучая гаспадыня сталічнай кватэры ў Лошыцы, вырашыла ўкласціся ў будоўлю «аднапакаёўкі», каб быць бліжэй да дачкі.

— Мы першапачаткова разглядалі толькі гэты раён, каб ёй было прасцей даглядаць старэнькую маму, — усміхаецца жанчына. — Калі тэрміны здачы дома зацягнуць, што ж, будзем чакаць, а што рабіць? У каго ёсць уся сума на руках, той можа купіць сабе любую жылплошчу ў новабудоўлі або на другасным рынку. У нас такой магчымасці няма.

— Дарэчы, калі разглядаць варыянт куплі на другасным рынку, ён па кошце выходзіць значна даражэйшым за кватэры ў Лошыцы-7, — далучылася да дыялогу яшчэ адна дольшчыца Яўгенія. — Калі ёсць магчымасць заплаціць першы ўнёсак, а на астатнюю суму ўзяць крэдыт — гэта будзе выгадней. Мы на гэтых умовах самі хочам купіць у гэтым доме «двушку». Ці бянтэжыць мяне нешта ў праектнай дэкларацыі? Не. Гэта стандартны тыпавы дакумент з рызыкамі, які прадугледжаны ў любога забудоўшчыка.

Фота: Realt.onliner.by

Па словах Яўгеніі, штраф 5 тысяч рублёў за датэрміновае скасаванне яе таксама не палохае.

— Я не думаю, што мне давядзецца ісці на гэта, нават з улікам магчымага павышэння кошту за «квадрат». Зыходзячы з практыкі іншых забудоўшчыкаў, гэта звычайная з'ява. Што тычыцца самога дома, планіроўкі тут нядрэнныя, дом маналітны. Ён, дарэчы, даўно перасягнуў стадыю «падмурка» і ўжо гатовы дзесьці на 40%, — сказала жанчына.

Колькі каштуе кватэра ў новым доме №3 у Лошыцы-7?

Арыенціровачны кошт за «квадрат» у «аднапакаёўцы» для тых, хто не мае патрэбы ў паляпшэнні жыллёвых умоў, складае 4300 руб. Усяго будзе рэалізавана 15 такіх кватэр агульнай плошчай ад 32,43 да 34,52 кв. м.

У «двушцы» за квадратны метр просяць 4100 руб. Іх усяго 33. Памер кватэр — ад 44, 79 да 67, 12 кв. м. Жылплошчы будуць размяшчацца з 2-га да 4-га паверха. Трохпакаёвых кватэр у продажы няма.

Здаць новабудоўлю ў Лошыцы-7 плануюць 1 лістапада 2024 года.

Каментары1

  • сиделец
    07.12.2023
    Очередь на постройку за свои деньги конурки в концлагере удивляет. Неужто для денег нет лучшего применения?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць