Грамадства44

«Яшчэ адзін крок — і яго жыццё магло пайсці пад адхон». Прапагандысты знялі на фоне адчыненай камеры хлопца, які нібыта «прыйшоў з павіннай»

Падпісант канала Mayday team звярнуў увагу на нядаўні выпуск прапагандысцкай праграмы на тэлеканале «Беларусь 4 — Магілёў», у якой расказалі гісторыю 19-гадовага юнака па імені Уладзіслаў. Яго нібыта спрабавалі завербаваць УСУ, але хлопец, маўляў, своечасова схамянуўся і звярнуўся ў «самае бяспечнае» месца — да лукашэнкаўскіх сілавікоў.

Як сцвярджаецца ў сюжэце, малады чалавек нібыта «цікавіўся ў тыктоку навінамі, каментаваў відэа, падпісваўся на каналы». А пасля «прыйшло паведамленне, што інтэрнацыянальны легіён хоча мяне завербаваць».

Камунікацыі пасля таго ён, паводле версіі прапагандыстаў, не спыніў, бо проста хацеў паглядзець, што будзе далей. А далей яму нібыта прапанавалі, што ён «у пешым парадку павінен перасекчы мяжу, здацца ў палон, а там потым бы яго адправілі на вайну. Пры гэтым сказалі сфоткаць розныя месцы».

Далей усё, паводле сцвярджэння прапагандыстаў, скончылася хэпі-эндам:

«Уладзіславу пашанцавала — паспеў скокнуць у апошні вагон і звярнуцца ў праваахоўныя органы, у поле зроку якіх знаходзіўся на той момант. Яшчэ адзін крок — і яго жыццё магло пайсці пад адхон».

Пры гэтым Уладзіслава здымаюць проста на фоне адчыненай камеры № 2 у будынку Ленінскага РУУС, куды адпраўляюць затрыманых да таго, як павезці ў ізалятар часовага ўтрымання.

Агульны план калідора, які на некалькі секунд з'яўляецца ў сюжэце, толькі пацвярджае, што здымкі з 19-гадовым хлопцам адбываліся ў будынку сілавікоў.

Цалкам верагодна, што як толькі прапагандысцкія здымкі спыніліся, Уладзіслава вярнулі назад у камеру і зачынілі за ім дзверы.

Каментары4

  • Спам ад губазіка
    08.12.2023
    Вы перамаглі!

    Каб атрымаць прыз у стопіцот зайцоў трэба сёння ж пешшу выправіцца праз мяжу, папярэдне сфатаграфаваў дупу Азьвяронка і чэлес Гайдукевіча. Там вас сустрэнуць і разлічацца золатам. Бачу, што згодны, таму не губляйце часу, распранайцесь і працуйце.
  • гердзень
    08.12.2023
    Але сітуацыя выглядала інакш: хлопец дзесьці крыху аказаўся неасцярожны, нічога сур'ёзнага , што паслужыла яго затрыманьні. у выніку пад пагрозамі сесьці на мільён гадоў ён пайшоў на супрацоўніцтва (на 19 гадовага можна націснуць, гэта не сталы дарослы чалавек), і ў выніку гэтыя ***кі, паабяцаўшы, што на судзе скажуць за яго слова і выпусьцяць дадому на ўмоўныя, або на хатнюю хімію, напісалі сюжэт, што і як ён павінен сказаць. суцэльная хлусьня
  • гоблен
    08.12.2023
    Упразднить эрбешку! За ненадобностью!!Призываю!!!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць