Спорт22

Найлепшы футбаліст Беларусі — віцябчук з афрыканскімі каранямі. Хто такі Макс Эбонг?

Найлепшым футбалістам Беларусі — 2023 прызналі Макса Эбонга, паўабаронцу з чэмпіяната Казахстана. «Наша Ніва» расказвае, што вядома пра маладога спартсмена.

Фота: fcastana.kz

Найдаражэйшы ў сваёй лізе і адзіны беларус у еўракубках

Беларускія клубы не ззяюць на міжнародным узроўні, дый зборная ледзьве перамагае Андору — яўна не футбольнага гіганта. Як у такіх выпадках выбіраць футбаліста года? Відавочны варыянт на званне — Ілля Шкурын, форвард польскай «Сталі», які паказвае файную статыстыку ў тамтэйшым чэмпіянаце. 

Але ж спадзявацца на тое, што федэрацыя футбола ўганаруе Шкурына, не даводзілася, бо добра вядома — у 2020 годзе Ілля адмовіўся выступаць за зборную Беларусі, пакуль краінай кіруе Аляксандр Лукашэнка. У такой сітуацыі футбольныя чыноўнікі выбралі Макса Эбонга, і гэты беларус насамрэч мае пэўныя дасягненні за мінулы год.

24-гадовы паўабаронца скончыў сезон у статусе срэбнага медаліста казахстанскага чэмпіяната і ў складзе «Астаны» выступаў на групавым этапе Лігі канферэнцый — сёлета гэта адзіны беларус на такім узроўні.

Дадамо, што хлопец стаў капітанам беларускай зборнай. А ў лістападзе, пасля абнаўлення трансферных коштаў футбалістаў на рэсурсе Transfermarkt, Эбонг аказаўся яшчэ і адным з найдаражэйшых гульцоў у чэмпіянаце Казахстана: яго, як і яшчэ двух футбалістаў, ацанілі на мільён еўра.

Эксперты адзначаюць гульнявыя якасці беларуса. Напрыклад, казахстанскі журналіст Эрык Садыкаў называе Макса дыхтоўным футбалістам: «Ён і за зборную пышна гуляе, разганяе атакі. Яму трэба з'язджаць». А беларускі футбольны інсайдар Уладзіслаў Татур кажа, што хацелася б убачыць Эбонга ў Еўропе.

Рос у няпоўнай сям'і

Поўнае імя Эбонга — Афрыд Макс Эбонг Нгоме, хлопец нарадзіўся 26 красавіка 1999 года ў Віцебску. Яго маці — беларуска Наталля, бацька — камерунец Эстэл. Некалі ён прыехаў у нашу краіну са сталіцы Камеруна Яундэ і паступіў вучыцца ў медыцынскі коледж, дзе і сустрэў будучую жонку.

Моцнай сям'і, аднак, у Макса не было. У сярэдзіне нулявых бацька паехаў зарабляць грошы ў Расію, а потым вярнуўся ў Камерун. Ні з жонкай, ні з сынам Эстэл не кантактуе. Апошні раз Макс бачыў бацьку пятнаццаць гадоў таму, калі наведваў таго ў Маскве.

Пляменнік віцебскага футбаліста

Макс — не першы ў сям'і, хто прысвяціў жыццё футболу. У адным з нешматлікіх інтэрв'ю хлопец прызнаваўся, што брат яго маці, Сяргей Ярэменка, таксама быў прафесійным футбалістам. Відаць, не ўсё ў яго атрымоўвалася — кажучы пра дзядзьку, Макс прызнаваўся, што маці нагледзелася на яго траўмы.

Сяргей Ярэменка насамрэч гуляў у вышэйшай лізе чэмпіяната Беларусі ў складзе слонімскага «Камунальніка», але да буйных клубаў не дабраўся. Футбаліст скончыў кар'еру ў 2005-м у складзе «Оршы», цяпер яму 50 гадоў.

Мог трапіць у інтэрнат, а замест гэтага аказаўся ў клубе з дагаварнякамі

Першы трэнер Эбонга — Уладзімір Вайцяховіч з футбольнай школы «Камсамолец», ён жа быў першым настаўнікам у футболе легенды БАТЭ Віталя Радзівонава. 

Калі Максу было 15, яго кватэру наведала інспекцыя, якая правярае абстаноўку, дзе жывуць вучні. Тады ў сям'і было блага з грашыма: накапіліся даўгі, ў тым ліку па камуналцы, нават адключылі святло. Вынікі праверкі былі несуцяшальныя — маме юнага футбаліста далі два месяцы, каб знайсці месца, дзе ён будзе дагледжаны і накормлены. Інакш — пазбаўленне бацькоўскіх правоў і інтэрнат для хлопца.

Макс Эбонг у складзе зборнай Беларусі

Дапамог Вайцяховіч. Трэнер пазваніў знаёмым з салігорскага «Шахцёра», які тады быў адным з лідараў лігі, і сасватаў перспектыўнага хлопца. Кароценькі прагляд – і Эбонгу прапанавалі кантракт.

У Салігорску хлопец затрымаўся да 2020 года, пакуль яго не прадалі за 250 тысяч еўра ў «Астану».

Марыць гуляць у «Рэале»

У верасні 2023-га Эбонг даў невялічкае інтэрв'ю, дзе падзяліўся ў тым ліку і планамі на кар'еру. У хлопца спыталі, дзе б ён хацеў зайграць, калі б быў шанец апынуцца ў адной з еўрапейскіх топ-ліг.

Віцябчук назваў іспанскі чэмпіянат і падзяліўся амбіцыйнай марай: «Што да клуба, думаю, ва ўсіх ёсць мара патрапіць у мадрыдскі «Рэал». Для гэтага трэба старацца і працаваць. Але чаму б не марыць пра гэта?»

«Наша Нiва» — бастыён беларушчыны

ПАДТРЫМАЦЬ

У БАТЭ — найгоршыя вынікі за гісторыю. Топ-5 прычын правалу

Ведаеце, хто абганяе «Барселону» ў чэмпіянаце Іспаніі? Заштатны клуб з двума ўкраінцамі ў складзе

Беларуская спартоўка запісала крык душы: Я стамілася выходзіць на пустыя стадыёны

Каментары2

  • Жвір
    12.12.2023
    Ну, калі не Шкурын, дык Эбонг. Ня надта справядліва. А хто б яшчэ ? Мо Карніцкі ? Ён узроставы, але таксама годны.
  • віцяблянін
    12.12.2023
    edit : віцяблянін ...

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць