Грамадства22

Цэнтр керамікі, знак на Замчышчы, новыя скульптуры… Якія змены плануюць у цэнтры Мінска ў наступным годзе?

13 снежня на нарадзе ў Мінгарвыканкаме, прысвечанай развіццю гістарычнага цэнтра і турыстычнага патэнцыялу горада, дырэктар КУП «Мінская спадчына» Аляксандр Кохан расказаў, якія змены мінчукі змогуць пабачыць у цэнтры сталіцы ўжо неўзабаве.

Фота: Aliaksandr Antanovich / vecteezy.com

«На вул. Ракаўскай у лютым адкрыецца цэнтр керамікі. Цяпер выконваюцца рамонтныя работы на 2-м і 3-м паверхах. Там будуць праводзіцца майстар-класы для ўсіх ахвотных. Таксама гараджане і госці сталіцы змогуць набыць ужо гатовыя вырабы», — цытуюць Аляксандра Кохана «Мінск-Навіны».

Таксама, паводле словаў чыноўніка, ідзе праца па стварэнні памятнага знака «Макет «Мінскае замчышча». Гэтую скульптурную кампазіцыю збіраюцца размясціць па адрасе пр.Пераможцаў, 2. Заяўкі на эскізныя праекты прымаюцца да 15 снежня, а работы для падвядзення вынікаў павінны быць прадстаўленыя да 15 лютага.

Акрамя таго, у 2023 годзе «Мінская спадчына» заключыла пагадненне з Беларускай дзяржаўнай акадэміяй мастацтваў. Яго вынікам ужо стала размяшчэнне мазаічнага пано на вул. Старавіленскай, 2, а з мая па верасень 2024 года плануецца правесці пленэр скульптараў на тэрыторыі гістарычнага цэнтра. Створаныя на ім работы пасля будуць размяшчацца ва ўсіх раёнах горада.

Акрамя таго, прапрацоўваюцца пытанні размяшчэння ў цэнтральнай частцы Мінска

«мініяцюрных аб'ектаў гісторыка-культурнай спадчыны краіны, пашырэння плошчы ілюмінацыі, стварэння фальклорнага цэнтра, арганізацыі лазерных прадстаўленняў на фасадах знакавых будынкаў і павелічэння колькасці інфармацыйных паказальнікаў».

У сваю чаргу, старшыня Мінгарвыканкама Уладзімір Кухараў лічыць, што «трэба звярнуць увагу і на Ракаўскае прадмесце. Там не перашкодзіла б размясціць шэраг скульптурных і іншых аб'ектаў, звязаных з фальклорам».

Каментары2

  • Не дапаможа развіццю турызму
    13.12.2023
    памятны знак «Макет «Мінскае замчышча», размяшчэнне мініяцюрных аб'ектаў гісторыка-культурнай спадчыны павелічэння колькасці інфармацыйных паказальнікаў ніяк не паўплывае на развіццё турыстычнага патэнцыялу краіны. Таму што большасць турыстаў не разумее кірылічны шрыфт. А лацінкі на інфармацыйных паказальніках ня будзе. То бок замежныя турысты нічога прачытаць не змогуць.
  • Ганьба
    13.12.2023
    Меньш людзей, больш мянтоў; меньш лацінкі, больш быдла з расеі.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць