Вайна11

УСУ заявілі пра знішчэнне расійскага дэсантнага карабля «Новачаркаск» у Крыме

Ноччу ў акупаваным Крыме здарыўся магутны выбух. УСУ сцвярджаюць, што быў атакаваны вялікі дэсантны карабель «Новачаркаск». Кіраўнік анэксаванага Крыма Сяргей Аксёнаў пацвердзіў, што ўзброеныя сілы Украіны атакавалі порт Феадосіі.

 Камандуючы паветранымі сіламі Украіны Мікалай Аляшчук заявіў, што ў порце Феадосіі атакаваны вялікі дэсантны карабель «Новачаркаск». 

«А флоту на Расіі становіцца ўсё менш! Гэтым разам услед за флагманам ЧФ РФ — крэйсерам «Масква» — ідзе вялікі дэсантны карабель «Новачаркаск». Дзякую пілотам паветраных сіл і ўсім датычным за філігранную працу», — напісаў Аляшчук.

Паветраныя сілы Украіны абвясцілі, што ўдар па расійскім караблі ў Феадосіі быў нанесены крылатымі ракетамі. 

«Каля 02:30 26 снежня тактычная авіяцыя паветраных сіл атакавала крылатымі ракетамі вялікі дэсантны карабель Чарнаморскага флоту РФ «Новачаркаск» у раёне Феадосіі», — гаворыцца ў ранішняй кароткай зводцы УС. 

Кіраўнік анэксаванага Крыма Сяргей Аксёнаў пацвердзіў, што УСУ атакавалі порт Феадосіі.

«Праведзена варожая атака ў раёне Феадосіі. Тэрыторыя порта ачэпленая. На дадзеную хвіліну дэтанацыя спынілася, пажар лакалізаваны. На месцы працуюць усе профільныя службы. Жыхары некалькіх дамоў будуць адселеныя. Трымаю сітуацыю на асабістым кантролі. Прашу захоўваць спакой і давяраць толькі афіцыйнай інфармацыі», — напісаў ён ноччу ў тэлеграм-канале.

Феадосія — горад на паўднёвым усходзе захопленага Расіяй Крымскага паўвострава. У яе порт пасля серыі ўкраінскіх удараў па Севастопалі была перабазаваная частка караблёў расійскага Чарнаморскага флоту.

Каментары1

  • СДД
    26.12.2023
    "Волной меня снесло" (с)

    ха-ха-ха!!

    Правда, лучше бы украинцы были такими воинственными к р. во времена б-гдана х-кого.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць