Грамадства1616

Цяжка ўявіць, што «пашпарт новай Беларусі» будзе хутка прызнаны — еўрадэпутат

Некаторы час таму Святлана Ціханоўская заявіла аб працы над стварэннем «пашпарта новай Беларусі» для тых, хто не рызыкне паехаць дадому для замены старога дакумента. Аднак, могуць узнікнуць праблемы з прызнаннем новага пашпарта ў розных краінах Еўрасаюза.

Якім бачыцца рашэнне гэтай праблемы ў дэпутата Еўрапарламента ад Літвы Пятраса Аўштравічуса, пацікавіўся «Голас Амерыкі».

«Я ўпэўнены, што з юрыдычнага пункту гледжання і ўсіх іншых фактараў, якія вядуць да прызнання таго ці іншага пашпарта, адсутнічае шмат розных складнікаў, у тым ліку — суверэнітэт і тэрытарыяльнасць гэтага дакумента», — лічыць літоўскі палітык.

Ён тлумачыць, што, калі асобная краіна Захаду захоча прызнаць такі пашпарт, яна павінна будзе ўлічыць многія аспекты, якія на гэты момант не прапрацаваныя.

«Сама ідэя мне вельмі падабаецца, і я хацеў бы прызнаць гэты пашпарт яшчэ ўчора.

Але так як няма выразнага адказу наконт яго суверэнітэту, вельмі цяжка ўявіць, што ў хуткім часе можна спадзявацца на прызнанне такога пашпарта. Я сам гаварыў з дыпламатамі, з кіраўнікамі апазіцыйнага руху і думаю, што трэба ісці па больш практычным шляху — выдачы дакументаў для просьбітаў палітычнага прытулку», — падкрэслівае спадар Аўштравічус.

Ён таксама заклікае беларусаў больш канкрэтна прызнаць наступную рэальнасць: «Многія, асабліва на прыкладзе дакументаў, якія вяртаюцца ў Беларусь для аднаўлення, яшчэ не разумеюць, у якую рызыкоўную сітуацыю яны сябе ставяць. Яны рызыкуюць сваім жыццём, сваім здароўем і сваёй будучыняй. Гэта ж таталітарны рэжым — сачэнне за ўсімі ідзе кругласутачна, таму такія рызыкоўныя паводзіны не павінны працягвацца».

Па словах еўрадэпутата, беларусы таксама павінны прызнаць, што гэтая праблема доўгатэрміновая, стратэгічна небяспечная для іншадумцаў і для ўсіх, хто мае ўласнае меркаванне.

«А нам на Захадзе трэба выдаваць дакументы бежанцаў, і гэта найбольш кароткатэрміновае вырашэнне праблемы, якая несумненна існуе.

Са сканчэннем дзеяння пасведчання асобы ўзнікаюць цалкам канкрэтныя праблемы, але я ўпэўнены, што многія краіны гатовыя іх вырашаць вельмі практычна», — падсумаваў Пятрас Аўштравічус.

Каментары16

  • Смех
    04.01.2024
    А чаго менавіта гэтага дэпутата запыталі, а не немца якога? Што больш нікога не знайшлі. У гэтага ж зімой снега не дапросішся
  • Зразумела
    04.01.2024
    Ідэя вельмі падабаецца, але х*эн вам, а не пашпарт, сказаў летувіскі дэпутат. Нічога дзіўнага не заўважылі?
  • Пан
    04.01.2024
    Даўно пара было выязджаць у Польшчу. Не здзіўлюся, калі Летува папросіць Святлану і каманду адмовіцца ад пагоні як ад нацыянальнага сімвала і папросіць з краіны

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць