Грамадства1010

У Гомелі зачысцілі праўладных блогераў

Стрымер Максім Філіповіч і правакатар Яўген Катляроў былі вымушаны павыдаляць усе свае відэа з крытыкай улады. Пра гэта распавядае выданне «Флагшток». 

Стрымер Максім Філіповіч і правакатар Яўген Катляроў

Гамяльчанін Максім Філіповіч вядомы як герой пратэстаў супраць увядзення падатку на «дармаедства» 2017 года. У 2020 годзе ён не падтрымаў пратэстаў супраць фальсіфікацыі выбараў Лукашэнкі і крытыкаваў апазіцыю. Фрагменты яго відэа выкарыстоўвалі прапагандысты. У 2022 годзе ён падтрымаў уварванне Расіі ва Украіну.

Блогеру не дапамаглі шматлікія кароткія відэа з выказваннямі Лукашэнкі, размешчаныя на асноўным канале. Філіповіч быў затрыманы міліцыяй 26 снежня. Па артыкуле 19.11 КаАП за распаўсюд «экстрэмісцкай» інфармацыйнай прадукцыі ён патрапіў у ІЧУ на 15 сутак.

Колькасць ролікаў на ютуб-канале Максіма Філіповіча рэзка зменшылася з 340 да 3. Фота: Флагшток

Пасля выхаду з ІЧУ Філіповіч быў вымушаны выдаліць (або схаваць) сотні сваіх відэа. Зачыстка закранула каналы «Гарантий Нет», «Гарантий Нет Stream», таксама знікла і старонка Філіповіча ў інстаграме. На яго старонках сталі недаступныя запісы «дармаедскіх пратэстаў», сотні яго дамашніх і вулічных стрымаў.

Пад зачыстку патрапіў і гомельскі правакатар Яўген Катляроў, вядомы тым, што ўкараніўся ў асяродак пратэсных блогераў падчас «антыдармаедскіх» пратэстаў і правакаваў розныя канфлікты. Пазней адкрыта заняў бок рэжыму Лукашэнкі і ўдзельнічаў у правакацыях. Апошнія тры гады рассылаў ілжывую інфармацыю незалежным СМІ, крытыкаваў прапагандыстаў і мясцовыя ўлады, папракаючы іх у неэфектыўнасці.

На ютуб-канале Яўгена Катлярова знікла больш за палову ролікаў. Фота: Флагшток

У канцы лістапада пасля паходу Катлярова ў Гомельскі аблвыканкам і запісу размовы з намеснікам старшыні Андрэем Бараноўскім блогер некалькі дзён не абнаўляў сваёй старонкі ў фэйсбуку, а пазней выдаліў усе свае публікацыі да лістапада 2020 года.

Таксама яму давялося выдаліць і некалькі дзясяткаў сваіх відэа на сваім YouTube канале Provokator. Ролікі былі звязаныя з крытыкай мясцовых улад.

Цяпер Катляроў аднаўляе сваю дзейнасць у сацсетках. У апошнім сваім відэазвароце, запісаным па тэме несправядлівай аплаты працы апекуноў інвалідаў, сам блогер прапанаваў нейкаму Ігару Валер'евічу напісаць заяву ў міліцыю з мэтай праверкі роліка «на экстрэмізм».

Каментары10

  • Марат
    14.01.2024
    Поддерживаю силовиков! А сколько их таких ещё, непойманных, маскирующихся под поддерживающих власть, а на самом деле сливающих данные американской разведке? Да та же Бондарева, очень подозрительно себя ведёт, на мой взгляд.
  • \|
    14.01.2024
    Хитрый Максим, делает Shorts с Лукашенко на своем основном канале YouTube, которые набирают сотни тысяч просмотров и неплохо монетизируются.
  • Мент
    14.01.2024
    [Рэд. выдалена]

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва65

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць