Здарэнні55

Цягнік Гомель-Мінск затрымаўся на паўгадзіны ў Бабруйску, бо памочніка машыніста дапытвалі сілавікі

«Супольнасць чыгуначнікаў Беларусі» паведаміла пра незвычайны інцыдэнт, які адбыўся 14 студзеня на станцыі Бабруйск. 

Фота ілюстрацыйнае

Паводле звестак «Супольнасці чыгуначнікаў Беларусі», пасажырскі цягнік серыі ЭПМII («Штадлер») 14 студзеня выйшаў з Гомеля ў 11:02, а ў Мінск паводле графіка руху павінен быў прыбыць у 14:08. Кіравалі ім машыніст Сокал і памочнік машыніста Мікалаеў.

Пасля праходжання размешчанай на перагоне Бярэзіна — Бабруйск прылады кантролю сходу і валачэння дэталяў рухомага саставу, якая сочыць за габарытамі цягніка, лакаматыўная брыгада атрымала па радыёсувязі ад дзяжурнага па станцыі Бабруйск інфармацыю, што гэтая прылада спрацавала.

У такім выпадку лакаматыўная брыгада абавязаная спыніць цягнік і агледзець састаў. А калі нічога страшнага ў ім падчас агляду не выяўляецца, то можна ехаць далей. Увогуле выпадкі, калі гэтая прылада спрацоўвае без асаблівых на тое прычын, у зімовы час нярэдкія, бо памылку могуць выклікаць снежныя наносы. 

Паколькі інфармацыю пра спрацоўванне прылады лакаматыўная брыгада атрымала ўжо пры фактычным знаходжанні на станцыі Бабруйск, дзе раскладам прадугледжаны двуххвілінны прыпынак, было вырашана агледзець састаў непасрэдна падчас стаянкі.

І калі памочнік машыніста Мікалаеў стаў гэта рабіць, аглядаючы цягнік, у адпаведнасці з рэгламентам, з двух ягоных бакоў, да яго падышлі супрацоўнікі міліцыі і запатрабавалі тлумачэнняў, хто ён такі і чым займаецца, знаходзячыся на станцыйных пуцях.

Тлумачэнні чыгуначніка міліцыянтаў не задаволілі, таму Мікалаеў быў прымусова адведзены ў размешчаны непадалёк ад будынка вакзала лінейны пункт міліцыі. Нават тое, што ён быў у чыгуначнай форме, значэння не мела.

У выніку праверка цягнулася паўгадзіны. У часе яе асоба і месца працы Мікалаева пацвердзіліся і яго адпусцілі. За той час, які заставаўся да Мінска, машыністы змаглі зменшыць адставанне ад графіка на 15 хвілін, але цягнік на канцавую станцыю ўсё ж спазніўся.

Каментары5

  • дурдом не знает границ
    19.01.2024
    полный писец....
  • lipa
    20.01.2024
    Я ўвосень прастаяла ўначы на холадзе, бо цягнік спазьняўся на 1 гадзіну, а вакзалы на малых станцыях з вечара закрытыя. У выніку праз дзень трапіла ў шпіталь з вострым запаленьнем, у выніку якога выразалі палову жаночых органаў без маёй згоды. А хранічнае запаленьне ўзьнікла ў выніку ўтрыманьня ў ізалятары за поўгода да гэтага ў асаблівых для палітычных умовах і неаказаньня медычнай дапамогі. З-за стрэсу, у якім карнікі трымаюць палітычных, нейкіх асаблівых праблем не адчувала, покуль не здарылася вострае запаленьне. Так што вось так трагічна можа ўсё абвярнуцца.
  • Влад
    20.01.2024
    lipa, ну поблагодарите за это белорусов которые в крайних хатах сидят и содержат диктатуру!

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля15

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

У Беларусі паскорыўся рост ВУП5

Юшкевіч: Аднойчы мне прапанавалі: «Адно слова па-польску — 5 сутак ШІЗА. Рызыкнеш?»12

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля15

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць