Свет22

ЗША таемна папярэдзілі Іран аб падрыхтоўцы тэракту на могілках, але той дазволіў яму здарыцца

Выданне The Wall Street Journal даведалася ў афіцыйных асобаў ЗША, што амерыканская выведка загадзя папярэдзіла Іран аб намерах тэрарыстаў ІДІЛ здзейсніць у краіне вялікі тэракт, але іранцы не сталі яго прадухіляць. Іран пракаментаваў сітуацыю.

Маці аднаго з загінулых падчас тэрактаў на могілках у Іране, дзе пахаваны іранскі генерал Касэм Сулеймані. Фота: Vahid Salemi / AP

Як паведамляе WSJ, ЗША праз непублічныя каналы апавясцілі Іран, што яму пагражае маштабны тэракт падчас цырымоніі, прысвечанай памяці генерала Касэма Сулеймані.

У выніку тэракт усё роўна адбыўся і прывёў да гібелі 84 чалавек, што пакінула адміністрацыю ЗША збянтэжанай бяздзеяннем загадзя папярэджаных уладаў Ірана.

«Інфармацыя, якую мы перадалі Ірану, была досыць канкрэтнай ў плане месцазнаходжання будучага тэракта і досыць своечасовай, каб яна магла аказацца карыснай для Тэгерана ў сарванні нападу 3 студзеня, альбо прынамсі ў зніжэнні колькасці ахвяр.

Нам не зразумела, чаму Іран ёй не скарыстаўся», — заявілі амерыканскія чыноўнікі выданню WSJ.

У сваю чаргу афіцыйныя асобы Ірана напрамую не каментавалі артыкул The Wall Street Journal, аднак адзначылі, што не атрымлівалі ніякіх папярэджанняў ад амерыканцаў, «а калі б падобнае і адбылося, то гэта было б усяго толькі спробай ЗША засцерагчы сябе ад дзеянняў Ірана ў адказ».

Іран сапраўды пасля выкарыстаў тэракт як падставу для ракетнай атакі па інфраструктуры ЗША ў Іраку, а затым і для нанясення ўдараў па «аб'ектах тэрарыстаў» у Пакістане, на што той таксама адказаў ракетным ударам па Іране. 

Як падкрэслілі некаторыя дзейныя і былыя афіцыйныя асобы ЗША, папярэджанне Ірана захоўвалася ў строгай таямніцы з-за асцярог раскрыцця непублічных каналаў сувязі з гэтай краінай і магчымых рэпутацыйных страт.

Акрамя гэтага, ЗША маглі апавясціць Іран аб нападзе, каб перашкодзіць яму яшчэ больш выкарыстоўваць гэта як нагоду для эскалацыі, а таксама каб стымуляваць дыялог з іранскім рэжымам для яго большай празрыстасці і згаворлівасці, перадае The Wall Street Journal.

Чыноўнікі таксама дадалі, што непрадухіленне тэракту з боку Ірана зрабіла яму «зневажальную» рэкламу на ўвесь свет, бо цяпер ён у вачах іншых дзяржаў і СМІ «не можа абараніць сябе ад тэрарыстаў».

Каментары2

  • Воля
    28.01.2024
    О, якія загалоўкі пайшлі.
    Дык а чаго вы пра Ізраіль такія ж не робіце: “Егіпет папярэджваў Ізраіль пра магчымы тэракт з удзелам Хамас, але Ізраіль дазволіў здарыцца гэтаму жахліваму тэракту”…?
    НН, калі вы абслугоўваеце не якаснае інфармаванне беларусаў, а прапагандыскую падачу тых ці іншых навінаў, то не здзіўляйцеся пасля, чаму ў вы потым будзеце непатрэбныя. Найперш беларусам, а пасля - вашым замоўцам.
  • Лол
    28.01.2024
    Воля, А дзе можна пачытаць пра Егіпет і ягоныя папярэджанні. Таму што ізраільская выведка і без таго ведала што тэракт будзе, але не ведала якім спосабам і час. А тое, што Хамас на тэракт трэніраваў Вагнэр і нават удзельнічаў у ім, кажа пра тое, што тэоакт рыхтаваўся з удзелам спецслужб РФ. І наўрадці Егіпет ведаў усе дэталі.

Цяпер чытаюць

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?12

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць