Свет55

МЗС Польшчы працягне фінансаваць тэлеканал «Белсат»

МЗС Польшчы лічыць «Белсат» адным з сімвалаў польскай усходняй палітыкі, мэта якой — дэмакратызацыя і падтрымка сіл незалежнасці, і працягне яго падтрымку, піша oko.press.

Выданне oko.press апублікавала матэрыял пра сітуацыю на тэлеканале «Белсат», у тым ліку ў яго расейскамоўнай рэдакцыі «Вот так». Журналісты звярнуліся па каментары ў МЗС.

«Белсат застаецца», — коратка адказаў ім міністр замежных спраў Радаслаў Сікорскі.

Гэтую інфармацыю пацвердзіў і прэс-сакратар МЗС Павел Уронскі. «МЗС мае намер працягваць фінансаваць «Белсат». Пытанне, як гэта будзе, каб было эфектыўна. На дадзены момант мы слухаем прапановы TVP», — сказаў ён.

У заяве МЗС, якую атрымалі журналісты, гаворыцца, што тэлеканал «Белсат» вельмі важны. «Гэта адзін з сімвалаў польскай усходняй палітыкі, мэта якой — дэмакратызацыя і падтрымка сіл незалежнасці ў былых рэспубліках Савецкага Саюза», — адзначаецца ў ёй.

Праблемы ў канала ўзніклі з прычыны рэформы грамадскіх СМІ ў Польшчы, у тым ліку тэлекампаніі TVP, у структуру якой уваходзіць «Белсат».

Сітуацыя стала вынікам змены кіраўніцтва Польскай тэлевізіі. Кадравыя перастаноўкі ініцыявала новая ўлада, што прыйшла пасля парламенцкіх выбараў. Быў таксама звольнены менеджмент Польскага радыё і Польскай агенцыі друку.

Ва ўрадзе свае дзеянні тлумачаць неабходнасцю «аднавіць незалежнасць, аб’ектыўнасць і плюралізм у рэалізацыі грамадскай місіі» дзяржаўных медыя. Прэзідэнт Польшчы Анджэй Дуда назваў кадравыя перастаноўкі незаконнымі.

Пра неабходнасць падтрымання «Белсата» казала Святлана Ціханоўская падчас сустрэчаў у Варшаве з кіраўніцтвам МЗС, спікерамі Сейма і Сената Польшчы, а таксама з сябрамі Камітэта замежных справаў Сейма.

За кратамі цяпер знаходзіцца 17 супрацоўнікаў «Белсата».

Каментары5

  • ImBeer
    07.02.2024
    Апошнім часам цікавы тэлеканаль, у мяне ён ідзе ўвесь дзень. Вось толькі анонс праграмаў, ды іншая інфармацыя, выключна польскай мовай прадстаўленыя... Ці гэта патрабаваньне ўладальніка Белсата такое, ці мясцовы правайдар пакета TV насамрэч тупіць ?
  • Удакладненне
    07.02.2024
    Не расейскамоўнай рэдакцыі «Вот так», а расейскай.
    Там працуюць расіяне.
  • Так
    07.02.2024
    Не да гэтай навіны, але асцярожна з okopress, яны не раз трапляліся на фэйках, маніпуляцыі і прапагандзе, асабліва ў тэме гібрыднай атакі нелегальнымі мігрантамі на мяжы.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць54

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць54

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць