Грамадства1616

За кратамі знаходзіцца 17 супрацоўнікаў Белсата — дырэктарка тэлеканала

Дырэктарка тэлеканала Агнешка Рамашэўска-Гузы назвала лічбу зняволеных журналістаў выдання.

Фота: Радыё Свабода

«А мы ў «Белсаце» пасля 16 гадоў цяжкай працы толькі што атрымалі падаўжэнне свайго «жыцця» на месяц… І мы рады, што хаця б на месяц», — напісала ў сябе ў фэйсбуку дырэктарка тэлеканала Агнешка Рамашэўска-Гузы.

Яна адзначыла, што 80% супрацоўнікаў «Белсата» — эмігранты без фінансавай падушкі, а 17 супрацоўнікаў сядзяць у беларускіх турмах. І заклікала польскіх палітыкаў і калегаў-журналістаў не забываць, што «на ўсход ад нас, проста за плотам працягваецца пажар, напад бандытаў ды іншага кшталту непрыемнасці».

12 студзеня новае кіраўніцтва Польскай тэлевізіі (TVP) пазбавіла дырэктарат «Белсата» фінансавых паўнамоцтваў. Дырэктарка тэлеканалу Агнешка Рамашэўская-Гузы заявіла аб пагрозе спынення працы цягам месяца.

Тады яна адзначала, што пазбаўленне фінансавых паўнамоцтваў — гэта не звальненне, аднак дэ-факта яна не можа весці гаспадарчую дзейнасць канала Цяпер жа мінімум на месяц гэтае пытанне вырашылася, паведамляе тэлеканал.

Сітуацыя стала вынікам змены кіраўніцтва Польскай тэлевізіі. Кадравыя перастаноўкі ініцыявала новая ўлада, што прыйшла пасля парламенцкіх выбараў. Быў таксама звольнены менеджмент Польскага радыё і Польскай агенцыі друку.

Ва ўрадзе свае дзеянні тлумачаць неабходнасцю «аднавіць незалежнасць, аб’ектыўнасць і плюралізм у рэалізацыі грамадскай місіі» дзяржаўных медыя. Прэзідэнт Польшчы Анджэй Дуда назваў кадравыя перастаноўкі незаконнымі.

Цяпер усе гэтыя дзяржаўныя медыя юрыдычна знаходзяцца ў стадыі ліквідацыі праз тое, што прэзідэнт адхіліў праект бюджэту, які прадугледжваў для рэдакцыяў 3 млрд злотых (у пераліку каля 750 млн даляраў). Такі статус неабходны, каб дзейнасць медыя працягвалася і была магчымасць правесці рэструктурызацыю.

Пра неабходнасць падтрымання «Белсата» казала Святлана Ціханоўская падчас сустрэчаў у Варшаве з кіраўніцтвам МЗС, спікерамі Сейма і Сената Польшчы, а таксама з сябрамі Камітэта замежных справаў Сейма.

Каментары16

  • Пытанне
    27.01.2024
    Учора на Белсаце беларускі палітолаг Павел Усаў даваў кароткі каментар. Па-беларуску. Яго голас крыху заглушылі і пусцілі расейскі пераклад яго словаў.
    Можа палякі не хочуць такое фінансаваць?
    Чаму на беларускім тэлеканале Белсат працуюць расейцы? Чаму Польшча павінна фінансаваць расейцаў і расейскія перадачы?
  • Якая разніца
    27.01.2024
    Пытанне , бо беларусы сядзяць,іа харошыя рускія працуюць
  • Дзеля справядлівасці
    27.01.2024
    Даўно пара адключыць гэты паміжсабойчык, брыдка глядзець.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць27

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць