Здарэнні1010

Беларуску згвалтавалі і спрабавалі задушыць у цэнтры Варшавы

У нядзелю, 25 лютага, у цэнтры Варшавы знайшлі 23-гадовую беларуску без прытомнасці са слядамі задушэння на целе. Дзяўчыну рэанімавалі і ў крытычным стане даставілі ў бальніцу, за яе жыццё змагаюцца лекары, паведамляе Most.

Праца паліцыі на месцы злачынства. Скрыншот відэа Miejski Reporter

Увечары таго ж дня затрымалі маладога чалавека, які, паводле версіі следства, датычны да нападу. Справа супраць яго распачатая паводле артыкулаў, звязаных са згвалтаваннем і замахам на забойства.

Маладую жанчыну знайшлі на лесвічнай клетцы дома па вул. Żurawia 47 раніцай 25 лютага. Паводле польскіх медыяў, яна была голай.

Інфармацыя адносна злачынства адрозніваецца. Выданне Miejski Reporter паведаміла, што нападнік накінуўся на ахвяру ззаду і, прыставіўшы нож да горла, уцягнуў у вароты дома, згвалтаваў, а затым стаў душыць. Іншыя рэсурсы, са спасылкай на паліцыю, не пацвярджаюць эпізод з нападам з нажом.

Пасля здзяйснення злачынства мужчына закупіўся ў краме недалёка ад месца злачынства, сеў у трамвай і з'ехаў. Каля 18.30 таго ж дня яго затрымалі ў кватэры ў варшаўскім раёне Макотуў. Паводле розных звестак, яму ад 23 да 30 гадоў. Miejski Reporter паведаміў, што ў яго дома паліцыянты знайшлі літаратуру на тэму забойстваў і згвалтаванняў.

Паводле звестак TVP.info, раней у затрыманага былі праблемы з наркотыкамі. 27 лютага мужчыну дапытаюць і выставяць яму абвінавачванні. Яму пагражае пажыццёвае зняволенне.

Першапачаткова паведамлялася, што ахвярай стала ўкраінка. Аднак 26 лютага Miejski Reporter і TVP.info паведамілі, што дзяўчына — грамадзянка Беларусі.

Каментары10

  • Так
    26.02.2024
    Самы цэнтр Варшавы. Не дзіва, што ў Польшчы не вельмі любяць "прагрэсіўную" сталіцу. Сітуацыя канешне трагічная.
  • Юзік
    27.02.2024
    Гэтыя кварталы каля чыгуначнага вакзала -  прастытутак ды гандляроў наркотыкамі. Такія выпадкі там рэгулярна.
    А дзяўчыну вельмі шкада.. хоць бы яна кім яна там ні была..украінкай, беларускай чы расіянкай..
    Добра, што гэтага вычварэнца хутка затрымалі
  • Канфэдэрат
    27.02.2024
    Я лічу, што калі было заснітана дзіця, то гэта божая воля ды трэба нараджаць.

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля13

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

У Беларусі паскорыўся рост ВУП5

Юшкевіч: Аднойчы мне прапанавалі: «Адно слова па-польску — 5 сутак ШІЗА. Рызыкнеш?»12

У мінскае метро маладзён хацеў зайсці з небяспечным кіем3

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля13

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць