Свет22

Расія пераводзіць свой нафтавы флот пад сцяг Габона

Расія масава пераводзіць свае нафтавыя танкеры пад сцяг Габона, сведчаць падлікі агенцтва Reuters. Па стане на пачатак лютага ўжо 42 судны расійскай кампаніі «Саўкомфлот», якія раней хадзілі пад сцягам Ліберыі і Панамы, змянілі рэгістрацыю на габонскую.

Сцяг Габона. Фота: vecteezy.com

Змена рэгістрацыі звязаная з пагрозай санкцый ЗША. У канцы 2023 года ЗША, Еўрасаюз і Вялікабрытанія папярэдзілі Ліберыю, Панаму і Маршалавы астравы аб неабходнасці ўзмацніць нагляд за танкерамі, каб гарантаваць захаванне цэнавай столі на расійскую нафту на ўзроўні $60 за барэль.

Ліберыйскі судовы рэестр LISCR асабліва ўразлівы да санкцый, бо ягоная штаб-кватэра знаходзіцца не ў Ліберыі, а ў ЗША. Між тым каля 80% танкераў «Саўкамфлоту» былі зарэгістраваныя пад сцягам Ліберыі і кіраваліся дубайской кампаніяй Sun Ship Management (яна ж SCF Management Services). Іх рэгістрацыю і абслугоўванне рабіў LISCR, што дазваляла суднам падсанкцыйнай кампаніі перавозіць расійскую нафту. У сувязі з гэтым LISCR нават быў у пераліку «міжнародных спонсараў вайны».

У канцы лютага Нацыянальнае агенцтва Украіны па прадухіленні карупцыі паведаміла, што ўсе судны расійскага «Саўкамфлоту» пакінулі ліберыйскі рэестр.

Міністр транспарту Габона Лоік Мудума пацвердзіў Reuters, што многія танкеры з ліберыйскага рэестра перарэгістраваліся ў рэестр Габона.

Пры гэтым ён запэўніў, што яны будуць выключаныя з рэестра, калі будуць займацца незаконнай дзейнасцю. «Мы самі распачнем крокі па зняцці сцяга з гэтага карабля, будзе ён расійскім ці іншым», — адзначыў міністр.

У Габоне ў 2023 годзе адбыўся дзяржаўны пераварот, краіну ўзначаліў генерал Брыс Алігі Нгема.

Каментары2

  • тройка удачі
    06.03.2024
    россія, Габон, Гондурас..... Весёлая кампашка.
  • Дональд
    06.03.2024
    Мо Габон далучыцца да Саюзнага Гасударства?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць