Літаратура

Вольга Гапеева атрымала нямецкую літаратурную прэмію імя братоў Грым

Урачыстая цырымонія ўзнагароджання адбылася ўвечары 16 лістапада 2026 года ў нямецкім горадзе Ханаў, піша Радыё Свабода.

Беларуская пісьменніца Вольга Гапеева стала лаўрэаткай Прэміі братоў Грым горада Ханаў 2026 года (Brüder-Grimm-Preis der Stadt Hanau).

Прэмія прысуджана за кнігу эсэ на нямецкай мове Wörterbuch einer Nomadin («Слоўнік вандроўніцы»), у якой аўтарка даследуе ўзаемасувязі паміж мовай, домам, ідэнтычнасцю і пачуццём прыналежнасці.

Журы адзначыла, што з элементаў розных моў Вольга Гапеева стварае вобраз «дома мовы», які дапамагае захоўваць апору ў пастаянным руху і адарванасці ад радзімы. Прызавы фонд прэміі складае 10 000 еўра.

Цырымонія прайшла ўвечары 16 лістапада ў чытацкай кавярні Культурнага форуму Ханаў (Kulturforum Hanau), дзе ўзнагароду ўручыў обер-бургамістр горада Максіміліян Біры.

Кніга выйшла ў аўстрыйскім выдавецтве Literaturverlag Droschl у лютым 2026 года.

«Вольга Гапеева прадстаўляе «слоўнік» сваіх гадоў жыцця ў якасці вандроўніцы паміж Беларуссю, Германіяй, Крытам і Японіяй. Ён адначасова паэтычны, асабісты і палітычны.

Кніга Гапеевай — гэта паэтычны роздум пра мову, ідэнтычнасць і пачуццё прыналежнасці. Аўтарка даследуе тэмы дома і чужыны, гендару і патрыярхату, а таксама магчымасць быць «чалавекам» па-за межамі тых ярлыкоў, якія нам навязваюць», — піша пра кнігу выдавецтва.

Літаратурная прэмія братоў Грым горада Ханаў заснаваная на радзіме славутых казачнікаў Якаба і Вільгельма Грымаў. Яна ўручаецца раз на два ці тры гады за выдатныя празаічныя, паэтычныя або драматургічныя творы, напісаныя на нямецкай мове.

Для Вольгі Гапеевай гэта ўжо не першая буйная нямецкамоўная ўзнагарода: у 2022 годзе яна атрымала прэстыжную прэмію Wortmeldungen.

Каментары

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць