Свет22

Туркменскі футбольны клуб пабіў рэкорд Кнігі Гінэса, але тая чамусьці гэтага не прызнае

Нядаўна створаны ў Туркменістане футбольны клуб «Аркадаг» адразу пасля стварэння ўзяўся перамагаць і выйграў запар усе 37 матчаў, перабіўшы рэкорд з Кнігі рэкордаў Гінэса, які належыць саудаўскаму клубу «Аль-Хілаль» і складае 34 перамогі. Але супрацоўнікі Кнігі рэкордаў біць у ладкі і заносіць фенаменальны вынік у свае аналы не спяшаюцца, піша The Guardian.

Адна з гульняў «Аркадага». Фота: AFP/Getty Images

Прадстаўнік Кнігі Гінэса патлумачыў, чаму серыя перамог «Аркадага» не ўлічваецца ў даведніку рэкордаў.

«Пра Лігу Туркменістана даступна адносна мала падрабязнасцяў, менш, чым нам хацелася б для той комплекснай праверкі, якую мы праводзім у нашым даследаванні для гэтага і падобных рэкордаў. Таксама ёсць пэўны ўзровень кіравання і канкурэнцыі, якія мы звычайна шукаем. Улічваючы ўсё гэта, мы пацвердзілі, што рэкардсмен — «Аль-Хілаль», — сказаў прадстаўнік Кнігі Гінэса.

«Аль-Хілаль» пабіў сусветны рэкорд у сакавіку, выйграўшы 28 матчаў запар, цяпер жа серыя перамог «Аль-Хілаля» доўжыцца ўжо 34 гульні.

Клуб «Аркадаг» заснаваў фармальна экс-прэзідэнт, а фактычна дзейны кіраўнік Туркменістана Гурбангулы Бердымухамедаў. 

Што тычыцца «Аркадага», то гэта клуб з аднайменнага горада, заснаванага ў 2019 годзе. Горад і клуб названы ў гонар другога прэзідэнта Туркменістана Гурбангулы Бердымухамедава. Слова з'яўляецца афіцыйным тытулам былога кіраўніка дзяржавы і азначае «цвярдыню, апору і надзею».

«Аркадаг» быў заснаваны вясной 2023 года. Клуб стаў чэмпіёнам Туркменістана ў тым жа самым годзе, выйграўшы ўсе 24 матчы з розніцай галоў «+66». Таксама ў каманды 7 перамог у Кубку краіны і 6 перамог у новым сезоне Лігі Туркменістана (розніца галоў у гэтым розыгрышы — «+30»). Дызайнам формы і лагатыпа клуба, на якіх намаляваны конь, займаўся сам Бердымухамедаў, па ініцыятыве якога «Аркадаг» і створаны.

Улічваючы спецыфіку туркменскага палітычнага рэжыму, няма чаго дзівіцца, што для гульні за клуб адразу падпісалі ўсіх найлепшых гульцоў краіны, пазабіраўшы іх у канкурэнтаў. У той перыяд трансфернае акно было нават адмыслова падоўжанае, каб «Аркадаг» змог падпісаць патрэбных яму футбалістаў. 

У такіх умовах можна ставіць якія заўгодна рэкорды, тым больш калі ў распараджэнні абсалютна неабмежаваны адміністрацыйны рэсурс, які можна прымяняць тады, калі нават у такой амаль бесканкурэнтнай сітуацыі нешта пойдзе не так.

Так, The Guardian звяртае ўвагу, што ў лістападаўскім матчы з клубам «Шагадам» пры ліку 2:2 на апошніх секундах быў прызначаны пенальці на карысць «Аркадага», толькі дзякуючы чаму клуб Бердымухамедава чарговы раз выйграў.

Увогуле выданне адзначае, што Бердымухамедаў свядома імкнецца да таго, каб горад Аркадаг быў хоць якім чынам згаданы ў Кнізе рэкордаў Гінэса. І для дасягнення гэтай мэты не спыняецца ні перад чым.

Нягледзячы на тое, што з наскоку ўзяць вяршыню ў выглядзе Кнігі рэкордаў Гінэса не ўдалося, прадстаўнікі «Аркадага» ўсё ж спадзяюцца, што да лета, калі іхняя каманда пачне ўдзельнічаць у агульнаазіяцкіх спаборніцтвах, яны ўсё ж змогуць дабіцца свайго.

Каментары2

  • Андрусь
    17.04.2024
    Адзін з футболам у Кнігу Гінэса лезе, другі дзеўку-невука ў космас запёр, трэці сабірае "землі рускія". Чаго не зробіш дзеля самаўзвелічэння. калі маеш нічым не абмежаваную ўладу! 
  • Ёсік
    18.04.2024
    НН, навошта вы напісалі гэтую навіну? Зараз спаць не будзе дырэктар саўгаса, клуб з'явіцца Александрыя ці Копысь, і пачнецца гонка за чэмпіёнства. Ён жа казаў, што яго любімы спорт гэта футбол.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся61

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць